مشت خشت راهي في ساس * وحكم أنجاس * مخانب جابولك لفلاس

مشت خشت في ساس كبير * عليها من فوق تعـــــــــــرّم
مطالب حرية وتكبير * ومن لوطه شي ايحشم
حجايج ما ليها تفسير * ولا حاجه منها تفهم
تبي فتوا اتجيك مناشير * أسلخ و اذبح ما شي إيهم
تلاقو حشاش وسكّير * مع الشيخ يصلي بيهم
إسرق واخنب واقتل لاسير * أعطي هادا وهادا تحرم
ودير اللي تبيه إيصيـــر * انت توا راك الحـاكـــــــــم
كذا هكي قرر لاميــــر * وموزة من غادي تحكـــــم
تبعتوه احمار حميـــــر * خلا وطني صار إمقســــم
ايعين من يبي وزيــــر * نفخ شيطانه فيه الســــم
وللدوحه يمشي تقريـــــــر * يوقع لامير ويبصــــــم
نقز فيها قديش حقيــــــر * حلف راهو جابك بالــدم
اللي ديما عنده بنديــــــر * إيغير وين الريح إيشـــم
عالخيمة دار طوابيـــــر * علي القايد بيش يسلــــم
هتف واجد يبي مديـــــر * كتب عهده بالله قســـــم
وتو فبراير هيه الخيـــــر * إفتكينـــــــا منا الظالــــــم
وتو أيدور عليه السيـــــر * اللي داره يلقاه نعــــــــم
سلامي ليهم والتقديـــر * اللي عارف ما صار نــــدم
راقد ريح وكان فقيــــر * ضرب حظه في الناس عشم
إيبي يصلح جاه التكسير * ايبي وطنه كيف يسقــــم
اللي ما يبيش التدميـــر * ومش هكي كاين راســـم
أنهض توا قُود التغييــــر * ونبوه الصف منظــــــــــــــم
ومولاي للعبد نصيــــــر * إن كان ناوي هالجرح إيلـــم
انسي الماضي واحذف في بير * إقلب صفحه خطوة قــــدّم
خدو مالك داروك حقيـــــر * عليك عفسو زادوه الهــــــم
خبر عقلي خلاه إيطيـــــر * وشيّب راس * خبر عراها كل الناس

مشت خشت راهي في ساس * وحكم أنجاس * مخانب جابولك لفلاس

عالخيمة دار طوابيـــــر * علي القايد بيش يسلــــم
هتف واجد يبي مديـــــر * كتب عهده بالله قســـــم
وتو فبراير هيه الخيـــــر * إفتكينـــــــا منا الظالــــــم
وتو أيدور عليه السيـــــر * اللي داره يلقاه نعــــــــم

****************

ان شاااااااااااااااااااااااء الله ربي يردلهم الصاااااااااع بصااااعين هالكلااااااااااااااااب

ويلقووووووووووووووه كل اللي داروه في القائد وفينا

ان شااااااااااااااااااء الله القائد ياخدهم بنيته الصاااااااافية

تسلم تسلم خوي ع الابيااااااااااااااااات

منور وبارك الله فيك

مشكور جداً

محارب الصحراء كتب:خبر تبيله تدوير وورقه وبرايه وقلم
خبر مسطر بالتسطير وفي مكنون البال رسم
قالو اللي ماعنده مايدير ينقز قدام الفاهم
يولي اما قاضي ولا مدير كان عكوس الحال حكم
ثوره قالوها تكبير والناتو من فوق يزم!!!
زعم شي يحتاج التحكير ولا مفيت عناد اغشم

لكن املنا في مولاي كبير. ان يعود يتم الوطن بعد بيعه ينلم

إضافة رائعة تسلم يا ولد الأجواد

الصبر طيب ... ان النصر صبر ساعة