أبيــــــات للشــاعر / عــلي الكيــلاني ..من أرض المهجـــــــــر::

ردى على السلام الذي أرسله لنا شاعر المهجر (علي الكيلاني)في بيت شعري يقول
يا نسوم سلّملي على بوهادي اللي قدمت ما من تريس عوادي .........

وللتوضيح (بوهادي) قريه صغيرة جنوب مدينة سرت قدمت ألاف الشهداء في معركة الشرف ضد حلف الشيطان حلف الناتو
جاء الرد مني كالتالي ** من كلمات محـــــــور النهــــر **

سلام بادي .. مبعد ترابك عن تراب أبلادي
وكان يا(علي ) تنشد على بوهادي مرايف على القائد بجد ونية
وراوَ يا (علي) حتى الشجر في الوادي يحنّن حنين البل ع لميه
ويسيلن كما قزون بين ذوادي كانا خطر زوله وقلّل جيّه
وياريت يا(علي) نوصل نجيكم غادي نديروا عزا بالك يهون عليّا
انجيكم دارب .. ندقو الطبل ويفزعو لأقارب غلا في ضمائر مش غلا بالشارب غلا بات عيشه فارس القومية
سيد السبيب اللي لكبادي حارق عطيتا اخيار الغاليين هديه (المقصود الشهيد عمر علي الكيلاني)

سلام مودة .. سلامي عليكم يا أبعاد الرده وعشنا حياة العرعده والشدة و راحو ضنى لجواد والبيتية
وعصومه وخميس ياعليوه عدو ضنى صقر ماعلّو وراهم سيّه
جديان الغزال اللي رتع في صدّه عليهم ربط قناص في صبحيّه

قناصهم خاين وما يتندّى عطّى عما في العين يا غاليا
عطّا عما في عيونه وكيف ما حرق كبدي أحرق مكنونه الخونة اللي خانوه في ترهونة
عطيهم طليقة نار في قبليه
واحني يا(علي) رانا أنضاف الجونة وهم أذيابه في ظلام خفيّه
مالي حيله غير دمع يذرف ما يوقّف سيله على نجع قدّامه تبات أكحيله مبجّد مع العثعث يشيّر ضيه
واليوم يا(علي) عجّلو بشيله أيام عزنا يا بورفيق اشويه
وراي ياعلي ريحة الصقر الطايب جا الكيد عــ للي عندهم غيريه

واحني نعدّو فيه ما هو غايب مازال عايش في لقلوب الحية
اوصل مرسولك .. واحني عندنا صادق وصادق قولك
ولو كان ياعلي ما هو صعيب اوصولك نحكيلك سوايا في ضمير خفيه
ولو بسوايا يا(علي) نشكولك ما تبات ليله ع لوساد هنية
سلام من (بوهادي) سلام من ارفاعه والجبل والوادي
ايجيكم اليا هب النسوم الهادي بدمعه على رؤوس الهذوب سخيّة
ونختم سلامي بالصلاة ع الهادي وجدك بني طالب كبير الديّه