الحاج مباركة وجمعه والترامادول

الحاجة امباركة تعيط في حوشها جتها الحاجة مسعودة تجري خيرك يا امباركة شن فيه لقت جمعة طايح وعيونه مقلوبات نادت امباركة ولدها عبدالناصر ورفعوا جمعة للمستشفى دخلوه طول على غسيل المعدة وقال لهم الدكتور جمعة واخد كمية من الترمادوال ناضت الحاجة امباركة تعيط وهذا وين لقاه والله الحوزة خاطى البطاطا والبصل مافيها حاجة قالها الدكتور هذوم يا حاجة حبوب هلوسة ياخدوا فيهم المجانين ناضت تعيط وتقول انا والله ولدي عارفته مش طبيعى مرة يضحك ومرة يبكى الولد هبل يا مسعودة يا شن بنقول لبوهم يوم غدوة الاولاد فسدوا ناضت مسعودة قالت يا حاجة امباركة مش اولادك انت بس كلها هبلت وانت سمعتى معمر لما قال راهو عطينهم حبوب راهو الراجل ماقال كلمة نزلت اوطأ الله يرحمه حي وميت ، فاق جمعة يعيط العزل لزم منه الدباسة متعى انا الكرسي خوذه انت والتلفزيون متعى هيا نقسموا توا ونطلعوا انحاصروا الوزارة من برا ، ردت عليه الحاجة امباركة طيح والله سعدك كنت برزقك وخميرك توا اتطارد في دباسة حكومة مدبسة في بعضها الحق مش فيكم الحق فينا احنا اللى ماسمعنا كلام معمر لما قال اطلعوا شدوا اولادكم وروحوا بيهم اهو دعوة قذاف الدم ركبتكم ردت مسعودة يا عبدالناصر بات معاه الليلة وتوا مرتك وصغارك يجو يباتوا معاي ردت امباركة قالت وحق لا اله الا الله ماتصير عبدالناصر نبوه في حاجة كبيرة مش راقدة بحذا مهبول في جرة دباسة
----------------------
ابداع المؤمتمر الشعبي الفيسبوكى الحر

ههههههههههههههههههه



والله مش عاديات اليوميات هاذم كثروا منهم بالله