تدني مستوي التعليم هذا العام

من خلال السؤال و المتابعة للاولاد لاحظت تدني مستوي التحصيل العلمي لهذا العام و السبب يعود للكادر التعليمي فغياب المدرسين بشكل ملحوظ سبب فى ربكة للطلبة و ضغط الحص للطلبة نتيجة الغياب المتكرر لااغلب طاقم التدريس سبب فى تدني مستوي التحصيل لهذا العام و ربك يستر على النتيجة.

فما ذنب ابنائنا الطلبة فيما يجري لهم من تأخير و بهدلة لمستقبلهم جراء هذه الفورة الملعونة .

فعلا والله جناية في حقهم والله

هناك من يدرس ابنائه نظامي وقال انهم يدرسونهم خصوصي والتحصيل ميت حتى التعليم اللي افتروا فيه على النظام الشرعي ربي عكسه عليهم كل يوم والتالي طقم التدريس يا مظاهرة يا محتج يا عنده محبوس او مقتول او هارب او مفقود منين بيجي بال للتدريس واللي رايح فيها الجيل الجديد ربي يعوض عليهم خير وخلاص

ايح تعليم ابله مكياج تام ولبس يحشم
هذي القضوة
وطلبه مشوكه وجو سراويل طايحات وبصاره وضحك مع الابلات و نقالات وفرخ صف ثالت بنقاله؟؟؟
انا مره درت كريمه في صف سابع جت الابله بتلصقلي مستكه(علكه) في شعري وبديت نجي وشعري تقول سدره وعادي
وتوا الابله تحب طالبها
وزيد عن هذا قبل الاب يقول لأستاذ انت والده مش انا يعني رباية من جديد
وزيد عن هذا نها ا ارك احرف لو جيت قولت الابله ضربتي
معناها غبارتك سودا علاش ضرباتك معناها ناسي واجب
وكانت لقطة توقع ورقة الامتحان وكراسة التطبيق من والدك؟؟
طريقه عشان يعرف مستوى ولده شنوا
(طبعآ ديما نزور في توقيعة الوالد) ومانبي نقول علاش p;‎
توا يدير الشطانة و و كان كشخت عليه تجي امه تجري وتحشي صوابعها في وذانها والعياط يبدأ من الشارع
ولدي نبيه شيطان**
نبيه يجيب صفر**
نبيه هكي يلبس**
و و
حسره بجد على ايام تشوف الابله فايته من الشارع تهرب واول طابية هندي تنقز فيها لأنك تتحمل الشوك ولا تشوفك لأنك غدوة بتأكل شلابيخ وبديرلك مراجعه باش تحصل وتقولك امس تلعب مش فاضي
هههههههوزيد عن هذا الصحه المدرسية
توا تلقى ظوافره زي الجدي طوال و وسخ وحالته حاله

حسره كنا بالسيف انظفوا في روحنا و نعتمدوا على نفسنا باش كان جت الصحه المدرسية ماتحشمك
بدات كان عطوك شامبو الازرق متع القمل
آه حسره ياخوي عدنان قدا ا اش عطوك من شانبو ازرق
‏ ‏

الله المستعان

هبوط مستوى التعليم ليس فقط في ليبيا وغيرها من البلاد العربية التي اصبتها الثورات بل حتى نحن في السعودية غيابات من المدرسين والطلاب



للاسف لايوجد اخلاص لاقدس مهنة في التاريخ

سفانة كتب:هبوط مستوى التعليم ليس فقط في ليبيا وغيرها من البلاد العربية التي اصبتها الثورات بل حتى نحن في السعودية غيابات من المدرسين والطلاب



للاسف لايوجد اخلاص لاقدس مهنة في التاريخ

اختي سفانه انا قلت تدني لااني لم اتوقع ان القي تعبير من احد الاعضاء بهذه الكلمة و لكن اتجاوز هذه الكلمة لاتبقي انهيار مستوي التعليم عندنا بعد فورة الجرذان و نتركوا لكم تدني مستوي التعليم .

تي هوا فيه قراية اصلاً في ليبيا توا .والله منحساب الصغار يمشوا للمدرسة، بعد ضياع البلاد كاملة مزال فيه قراية ..