النجع الحلقة (( 2 )) 2013 ,,,,

النجع الحلقة (( 2 )) 2013

الشاعر علي الكيلاني

ضاقت وما نحسابها تضياق
العظم الغليظ يهشموه أرقاق
ونا من زمان نقول راهو الذيب
لا يتوب ع الخونة ولا بي إيغيب
واللى سمعني جبت هالسريب
لوم علي .. وقال يا علي خليتها درياق
وهي حنظله من قبل ما تنضاق

ضاقت اضياقت ضيقتها الخونه
وخلت اللي ما يلحقوا لحقونه
وصلنا اللى ما بيض غير أسنونه
ونا من زمان نقول يا مليان
تقول غير متربع على بركان
اليوم بو بغل يلهد على الفرسان
لامو علي .. وقالوا علي جرعلنا درياق
وهي حنظله من قبل ما تنضاق

ضاقت وهلها يرمضوا مالضيق
تقطع أرشاهم واردين غريق
وغايب عليهم من يبل الريق
ونا من زمان نشوف فيها حوله
ونقول كيف أمي تولي غولة
واللى سمعني نقول ليها صوله
لوم علي .. وقال يا علي خليتها درياق
وهي حنظله من قبل ما تنضاق

البقية في البرنامج إن شاء الله

ونا من زمان نقول يا مليان
تقول غير متربع على بركان
اليوم بو بغل يلهد على الفرسان
لامو علي .. وقالوا علي جرعلنا درياق
وهي حنظله من قبل ما تنضاق

تراث شعبي اصيل يعانق النضال .

شكرا اخت نتنفس من الاخضر .

والشكر لشاعرنا الكبير الشاعر القومي والهامة الكبيرة علي الكيلاني .

مستمرووووووووووون في النضال والكفاح حتى تحرير بلادنا من الجرذان، لن نيأس لن نستكين لن نذل لن نخون لن تهبط معنوياتنا بل ستظل دائما تعانق السماء ، شعارنا النصر أو النصر .

تحياتي