ليله الهروب من بنغازي،،،،، الحلقه(3,)

ظللت ليلتي تلك والليله التي بعدها في لندن ثم كان موعد السفر والاقلاع ،المطار يعج بالمسافرين من شتى ارجاء الكون ولا تحتاج للتعرف على مكان اجراء معاملات الحجز والمغادره للطائره الليبيه فنحن مميزون فالارض والبحر وحتى فالسماء والطائرات ثلاث طوابير وفقن لاهواء الركاب! وحقائب ملى البصر فكلنا يحمل اكثر من حقيبه كبيره واني زيهم ماهو مافيش حد خير من حد ههههه
في الطائره عند اتمام اجراءت المغادره وجدت سالم ميلاد ومعه طفليه فاخبرني بان زوجته في طرابلس قد قدمت اليها قبله بمده لزياره والدتها المريضه
طوال الرحله لم تنشى تغادرني صور الاحداث ومرارتها
ومن ثم بداءت المحاكمه محكمه الضمير
توا من جدك ماشي لليبيا وانت مش عارف شن يستناك غادي
كيف تقدر تساير الخطاء وتسكت 
كيف ياترى اخبار ليبيا وناسها زعمك كل شي صار صح ولا مبالغات وتفخيم 
باهي كيف رح تكون ليبيا بي هالفوضى وانتشار السلاح هل فكرت تشري سلاح لروحك ولا بتمشيها بالبركه وخلاص 
ههههه ضحكت وانا اتخيل نفسي في مطارده وصراع مسللح معا مجهولين بسب سوء تفاهم بسيط او حادث مروري
يا الله كم تعيسه بنا ليبيا او كم نحن تعساء بابتلما بكل هولاء الوبش
فجاءه انتبهت لصوت المضيف وهو يقول لي ياخوي وين مشيت هي تفضل شن تحب تاخد
ههههه ابتسمت وقلت له بس سعدونا في التسعيره شوي!
ضحك وقال ولايهمك هكذا نحن الليبين عندما تكتنزنا البساطه ونبعتد عن الفيس والوساويس
سامح الله من كان السبب صادف قولي مرورنا على الاراضي الايطاليه وجزيره صقليه بالتحديد! فربما كان من هنا بعض المسببات والله اعلم
يتبع

و بعد وصلت ليبيا لقيت الوضع أفضل ولا أسوء مما كنت تتخيل ؟؟

 عموما الحمد لله عالسلامة ..

ليبيا الله المستعان ونفس سؤال الدكتورة شن كانت ليبيا وحمد لله على سلامتك وربي يحفظ الجميع

 ووووووووين الحلقة الرابعة محاااااارب
 

أسأل الله أن يحفظك لأهلك وأن يعينك الله على تحمل المزيد من العبء والصبر   .. على العموم طريقة سردك للقصة ذكرتني في فيلم الطريق إلى إيلات مع اسرائيل طبعا الفيلم قديم قبل الصطلايت وأنا صغيرة وأنت الطريق إلى طرابلس مع ثوار الناتو .

سرد رائع ومتميز كالعادة لرحلتك الى موطنك المغتصب
وماتكون بخيل كمل شن كانت ردة فعلك اول ماوصلت