ياوطن مكثر بلاويك !!!!

ياوطن مكثو بلاويك
وكل يوم عندك جديده
غير لاباس شن فيك
يامالك الخاطر وسيده
نزيف حزن سالن مايمك
وللجروك مالك ضميده
كثرو عليك الصعاليك(حشاكم ياخوتي)
وتميت كما الحره الفقيده
مسجون بين هذي وهذيك
ورايات ناسك عديده
في اللي عبد الصعاليك
وفيك اللي للفخر سيده
وفيك كل شي هو فيك
وفيك حاجات بانن جديده
بياع اليوم كل من جاك شاريك
وشاريك كل من الغير سيده
بس انت ياوطن ياعز نفديك
وباذن الله الظلم ينزاح قيده
وتعود تلك وهذي وهذيك
وترجع تزهى العظمى سعيده(ان شاء الله باذن الله).
محارب الصحراء
24-10-2013

بس انت ياوطن ياعز نفديك
وباذن الله الظلم ينزاح قيده
وتعود تلك وهذي وهذيك
وترجع تزهى العظمى سعيده(ان شاء الله باذن الله).

تسلم يداك أخي و وصح لسانك

والوطن الروح شوية فيه وبأذن الله سوف تعود العظمى من جديد برايات العز وسواااااااعد أسودها

احسنتي جراح بارك الله فيك،ساتعود باذن الله رايه الامجاد خفاقه باذن الواحد الاحد ان شاء الله.

اللهم امييييييييييييييييين يا ربي

ترجع بلادنا ياااااااااااااربي ,,

تسلم هلبااااااااااااااااات محاربنا

صح لسانك ونستنو في اشعار حلوة وجديدة منك
زي ما عودتنا من قبل
منور