عاجل المطرد: من ليبيا يأتي الجديد (مبادرة للقبض علي المجرمين !!)

بدأت الأيام الماضية مبادرة تطوعية من شباب المطرد بالزاوية تستهدف القبض على المجرمين وشاربي الخمر الذين يخالفون القانون العام ويضيّقون علي المواطنين .
حيث يقوم الشباب القائمين على هذه المبادرة بالتجول في المطرد ليلاً   في سيارات محددة مع تغطية وجوههم  ، والقبض على كل شارب خمر أو سارق   أو أيا من يخالف القانون ومعاقبتهم ومن ثم إعادتهم في نفس اليوم إلى نفس المكان الذين تواجدو فيه أو أمام منزلهم  .
هذه المبادرة تأتي في ظل تقاعس الأجهزة الأمنية  عن القيام بمهامها وانتشار السلاح والكحول مما أدى إلى حدوث بعض الجرائم في المنطقة.

المصدر: الصفحة الرسمية لبلدية غرب الزاوية

تعرفي موضه جديده هذي متع لتام ع الوجه (واضحه مايبوا حد يعرفهم لأن جماعة الحشيش مش الجيش مايعرفوا رحمه ولاتهاون مع من اعتقلهم)

مثلآ...
عندنا في جنزور من عشره ايام خشلنا السيد المش محترم
¤¤صلاح وادي¤¤
والسرايف لمعاه
على اساس دوريات في جنزور والطريق الساحلي
ولعند ساعه ماضية جماعة في الشوارع الاربعه الدوادي

و يخشوا للجهة الغربية في جنزور(الشط والطرق الترابية وجهة مجمع الحركه متع أمن جفاره سابقآ
وسياراتهم
بي ام دبليو + شوفرليت+متسوبيشي موزه
وطبعآ شوفي انتي(زجاج معتم+بلا لوحات)
والمشكله في جنزور اي سيارة مجهوله او غرييبه معروفه طول

والنبي توا الساعه 3 يديروا في دوريات في شوارع تراب!!
هل بتوقفه او تخليه
لأنه انتم عارفين سيارات مشبوهة ادور في الزناقي ولا كيف الرأي؟؟؟
وحتى هو ع اساس بيشد جماعة الحبوب وغيره
والكارثه جماعته لو عجبتهم سياره تلقى روحك نازل وطبعآ سرقه شرعية لأنه لو جاء اي شخص بيقول هاذوا جماعة وادي وشوف روحك ملثمين
ولو سيارتك بايخه معناها بيفتشوك تفتيش دقيق ولو لقوا عندك جغيمه وسكي معناها ضرب ضرب ضرب وحلاقه صفر والصبح تروح
____________
والمشكله نفسهم مخاريم

لاكن الصراحه خليه ينظف الزبل فروخ كثروا عندنا ليشلطوا في ايديهم
ومواليد 97
تلقاه واخد شريط حبوب وعايش اللحظه انه تاجر

وبصراحه خليه ينظف
بس نبي حاجه بس هكي لو سيارة من كتيبه فرسان جنزور مرت من الحشان او المعموره؟؟؟
تسمع كان هذا 3 الاف سياره من جنزور وبتعاون مع مصراته والاخوان يستعدون و و و

يللا ربي يعاونه كان جاي على خاطر جماعة الحبوب

تعرفوا من فترة اسبوعين هكي
كتيبة الفرسان هاجت هيجه مش عادية على الثانويات ولقعمزوا قدام الثانويات يعاكسوا و يضايقوا وكذالك الشوارع

طبعآ في نفس الوقت خشوا الثانوية والطلبه حط شنطك جنبك وصبها ع الارض وطلع جيوبك

وطبعآ النتيجه!!
اشرطة حبوب وظروف حشيش والجو فستري
وكذالك الفروخ لقدام الثانوية وحق ربي قدامي يجروا جرتهم بدوشكا،،،، في يوم واحد طبوا 70واحد وطبعآ في لياخد في حبوب واهله هما لأتصلوا قالوا تعالوا ارفعوا ولدنا

ههههههه النكته في نماذج ضربوها كف وقالوله كيف وعلاش حبوب
ناض يبكي و يقول مش انا لسرقت نقال فلان ولقال،،مش انا لخشيت لحوش فلان انا وفلان وسرقنا شاشه ولاب توب
والخلاصه سرقات بالهبل وطلعوا هلبه كيف يتاجروا
وفي نماذج ياجماعه انا من جنزور 3 ايام باش اقتنعت
إن فلان بادي يلوح في حبوب وفي هلبا ا ا ا ا ا ا ا ماصدقت انهم كذالك لأني نعرفهم محترمين وسنافر
وطبعآ الاعمار 95
97
96
تلقاه يجرح في يديه وربي كوارث


وطبعآ اغلبهم تعهدات وروحوا إلا لواخدين كذا شريط حبوب يبيعوا قدام الثانوية وفي لاعترفوا بسرقات

والكارثه في تريمادول قطره زي قطرة العيون
هذي متع شنوا؟؟
طبعآ متع يافلانة اعزمي فلانه ع فطور في الفصل وحط في حكة مشروب قطيرات وضاعت فلانة

ولهذا خليهم يقطعوهم ،،وتوا نظافه مش عادية الثانويات والمنظر الاحلى وانت راجع بعد ايام لثانوية وحلاقة صفر هههههه متع واضح هذا كانوا شادينه بحبوب
_______
وطبعآ عندنا رؤوس حبوب ومن فتره واحد داهموه ومات فيها الشرقاوي متع كتيبه الفرسان ولاكن بعد اسبوعين تصفى والله اعلم من صفاه
وأسمه

فراس
وملقب بالنحله ونشبح في تناقل اخباره في النت بأنه تابع كتيبه وقنصوه وفي هلبه اقاويل
والاصح انه تاجر حبوب

بما انهم من اجل تنظيف البلاد وحماية العباد ربنا يحفظهم ويعاونهم