عاجل جداً : الحذر يا أهلنا في طرابلس

مش عارف شنوا فيه؟؟؟جيش بيطلع فجأة
وين كان مدسوس؟؟؟
انقلاب شكله

ومن ساعتين
رتل فوق 100سياره في جنزور توجه منه لوسط طرابلس
والباقي انتشروا ع الساحلي
وسلاحهم
106
وراجمات
و14
ودوشكات
وقريب 50سياره فوق الكوبري متع محطة الكهرباء
والسلاح موجه جهة الغرب وفي سيارات خاشه بين الاشجار وسبطاناتهم جهة الغرب ومعاهم سيارات اسعاف ونفس القيافه كلهم

ياجايتهم معلومه ان مصراته بتقصف ومعاها قوة بتخش من الغرب

في معلومة إنهم داروا نداء اليوم لكل أفراد قوات الشعب المسلح يعني جيشنا قبل للإلتحاق بوحداتهم ومقراتهم السابقة واللي ما يلتحقش بيقصوا عليه راتبه وحتى الرتل اللي نزل اليوم الصبح من قصر بن غشير هما قوات الشعب المسلح والله أعلم وللعلم إني سمعتها من زوز مصادر

ياأختي نتنفس من الأخضر معلومات مثل هذه حتي وان كانت مغلوطة لا تقال في هذه الظروف . . كل شئ غامض سواء من المخططين او السادة فلا نحاول أن نفسر عنهم او نفكر نيابة عنهم وكذلك يجب ان يبقوا مشوشين حتي لا يفكروا وهم الان يتمنوا الخلاص من كل هذه الفوضي وليست مهمتنا إعطاء الأمل لهم ونحن بداخلنا طمائنينة وهدوء نحسد عليها لأننا اصحاب حق ولم نخن او نبيع وطنا

قناة الخضراء الفضائية Green TV
منذ 8 دقائق
المعلومات المؤكدة من مصادرنا الموثوقة بقصر خيار هي :
ـ مرور عدد 8 عربات مدفعية صاروخية ( جراد ) متجهة غربا قادمة من مصراتة قبل ساعة .
ـ مرور عدد 15 الية عليها اسلحة 14.5 مند ربع ساعة
ـ مرور عدد 5 ناقلات دبابات عليهم 5 دبابات منذ 5 دقائق من الان
ـ مصيف القره بوللي يوجد به مليشيات مصراتة والمرتزقة .

نتنفس من الأخضر كتب:في معلومة إنهم داروا نداء اليوم لكل أفراد قوات الشعب المسلح يعني جيشنا قبل للإلتحاق بوحداتهم ومقراتهم السابقة واللي ما يلتحقش بيقصوا عليه راتبه وحتى الرتل اللي نزل اليوم الصبح من قصر بن غشير هما قوات الشعب المسلح والله أعلم وللعلم إني سمعتها من زوز مصادر

الخبر صحيح لانهم لايمتلكو التبات والقيافة هادى اصلا

الحذر واجب و الحرص لا يكلف شيئا و الانسان لازم يقرا النقص..

من الخطأ افتراض الخير قادم من هؤلاء في مثل هذه الظروف...ما حد يعرف هل هو جيش "مصراته" و الا جيش "الزنتان" و الا جيش "الزاوية"...في هالظروف فيه فقط تصفيات جهوية، و فيه بس سؤال واحد حيسئلوه لاي شخص يوقفوه: انت من وين؟...و مصيرك يتوقف على جوابك.

الايام هذي هي ايام تصفية ميليشيات الجرذان لبعضها. الخيار الأمثل للاحرار هو توفير المؤن و البنزين و البقاء في البيوت حتى ينتهي الجرذان من القضاء على بعضهم.

اللهم اجعل كيدهم في نحورهم و تدبيرهم في تدميرهم

أختي جراح وأخت الرجال هذا اللي اسمعته اليوم وكان بالصدفة من مصدرين وحتى المصادر بعاد على بعضهم وحتى أني تفاجأت زيكم لما سمعتها الدوة وإن شاء الله خير

ضد يوم 17 فبراير في ليبيا وضد محاولة زرع الفتنه من قبل الحاقدين
منذ 33 دقائق
من البريد الوارد للصفحة /////

أخي جرذان طرابلس يرتعشون من ما نقلته إذاعة الخضراء من أن هناك عربات جراد قادمة من مصراتة إلى طرابلس وقد ابلغوني أنهم يتوقعون أن جرذان مصراتة أخذوا احداثيات لمواقع في العاصمة طرابلس وهم قادمون لضربها بالجراد ومن المواقع التي يظن جرذان طرابلس أن جرذان مصراتة سيضربونها ( غرغور - إمعيتيقة - معسكرات صلاح الدين والكلية العسكرية ) هذه المعلومة كانت من أحد جرذان طرابلس اتصل بأحد الأصدقاء وأبلغه بهذا الخبر .. أرجوا النشر ولكم جزيل الشكر

نتنفس من الأخضر كتب:في معلومة إنهم داروا نداء اليوم لكل أفراد قوات الشعب المسلح يعني جيشنا قبل للإلتحاق بوحداتهم ومقراتهم السابقة واللي ما يلتحقش بيقصوا عليه راتبه وحتى الرتل اللي نزل اليوم الصبح من قصر بن غشير هما قوات الشعب المسلح والله أعلم وللعلم إني سمعتها من زوز مصادر

تعرفي نحنا هكي انقزوا تنقيز وبصراحه انا نصدقها

اولآ قداش جيشك اساسآ
ويا استشهد
يافي السجن
ياهارب
والباقي ملتحقين و نشبحوا فيهم واولها جماعة التجييش
والقعقاع وقوة التذخل السريع و و و و

تحسابي الجيش كان 3مليون

تي هما 100 الف ناقصين وفي الاحداث ثلثينها حرس شعبي وابدي بجحفل جبران وجحافل ورفله وترهونة والصيعان والزاوية بروحها كان عندها فوق 5الاف متطوع وشادين الجبهة الغربية و هذا غير المشاشية و و و و
وماتنسي 5الامن الخارجي
والمكافحه والشرطه والذاخلي و و



جيشك الاول طايح ومنتهي الصلاحية من قبل سنة 2000

وانحدفوا في مقبرة (التجييش او مراكز التدريب)
و عندك الكتائب الامنية الجديده بس هما لطلعوا وكان مش منهم بالزبط 5ساعات وسقطت البلاد

واصلآ حتى السلاح
طائرات موديل 73
وحوالي 30طايره و20مروحية بس ليشتغلوا وطبعآ صفر ع الشمال

وكذالك الدبابات والجراد
والدفاع الجوي والردارات
كللللللللله منتهي الصلاحية وماتحدث الا توا 2009


و هاتي سلاح غير (صواريخ الكرنيت_والار بي جي_ وكلاشن_اغراض_وصواريخ ستيلا_الهاون)

يمشي الحال وسعوا بالكم يا خبر بفلوس غدوا ببلاش المهم كل واحد يحافظ على نفسه اللهم احفظ الجميع شر الكوارث .

معقوله بلاد مذخولها سنويآ 250مليار واكثر

ماعندها ردار الا ردارات زمان نفس مواقع لكانت في الغاره متع الطياره فوقه ومش مطلعها ع الشاشه
لان العلم يتطور لازم تحديث بحكم الطيارات الجديده كلها ضد الردار

والدفاع الجوي قاعد الاول متع مربوط بردار تابت ومنصات تابته في الحوايز ومتسلقها العشب ولو ضربت ردار خلاص معاد تطلع الصواريخ لأنها شبكه

وبرطوا هذي قديمه وتوا منصات متحركه بردارها وتجهيزها 5 دقايق بس زي سي 300ورهيبه
(الجزائر _سوريا_الامارات_ و و )هاذم عندهم اما نحنا لا

ولا الطائرات
موديل 73وطا ا ايبات وبالليبي(مع الطايرات الجديده حتى موديل 2000زي البيجو العكاري والكامري)

والدبابات كلها مخلفات الحرب العالمية الثانية شرتها ليبيا

قيمة 50مليار تسليح حديث جدآ
من منظومة سي300ضد طائرات الناتو وصواريخ توماهوك

اسكندر(ارض ارض وذكي)

يخوث(بحري مضاد لسفن وسرعته 750كيلو في الدقيقه و3مرات اسرع من الصوت ومداه 300كيلو)

و50طائره حديثه من سخوي وميج 35
________
هذا عند سوريا ربي يحفظها وغير الباقي من دفاعات جوية وغيرها بس لا 50مليار ياخدهم عبد الله السنوسي يشارك قطر في مشاريع وتوا بيغتالوه ع خاطرهم
و ياخدهم ولد موسى كوسا يشري جزيره
و ياخدهم قداف الدم
و ياخدهم الصيد
وحمد براهيم والخويلدي وجلود والبراني وشلقم و و و و،،،،،،اخ يديروا مشاريع برا وفنادق في لالالي في تركيا وفي الكازا وفي المالديف واسبانيا وو و
وانت لايديرولك جيش لا سيارات زي الناس ولا قروض ولاصحه ولاطرق ولا فنادق ولا اسواق ولا جرادين ولا ولاولا
عقاب سوق الثلاثاء وبرج
ابو ليله(تو نحلفوا نقولوا ورأس ابوليله وسوق الثلاثاء مكسوبنا ورأس مالنا ما انا درت كذا او جبت كذا)
بلاد كنز كانت مناجم ذهب نفط الماس غاز استثمار لعبوا فها الزقوزا اولاد الحرام خلو الجندي مضرب مثل في الجهل والفقر لجيش تونس والمغرب قيافتهم تعشق ولا الاردن قيافه وبدل وتجهيزات تقول امريكان و هما بلدان فقرا ا ا ء
و نحنا يفوت عسكري نضحكوا و نقرموا وكذاب ولد حرام ليقول عكس هكي( العسكري اخر حل في الزواج) صح هكي يقولوا البنات
كان قعدت تو ناخد عسكري

و كان فشلت في دراستي تو نخش حتى الجيش

وفي الاحداث كلها تهتف لجيش((توا طلع جيش وحمات وطن))

خليك مع البحث والمرور والشرطه تجهيزات تصنيفها بعد شرطة افغانستان

ليبو_ داو نيبرا_ _
ولا جهاز المكافحه _في اي دولة اقوى جهاز من ناحية تجهيزات ولاكن نحنا ((سروال عادي_ شوفرليب_ داو نيبرا_ تيوتا ثعلب موديل 89_ وسلاحه كلاشن و9طلقات ))وفي اشتباك ومطارده يلقى روحه صفر

وخليك مع حرس الحدود وحمات الحدود(تيوتا ثعلب موديل 92_ _ ومتسوبيشي 95_)وقيافه تحشم وامكانيات تحشم

ومزال انا بعد سنتين نقعد نقول هذا بطل و هذا مجاهد و هذ و هذا و هذا و نقعد طامع في كمشه عصابات كانت في مناصب بقدرها تخدمني وفي عز الامن بس كانت تمص بس وتوا بتنوضله الوطنية


ولا اولادهم هربوا وفي عز برا وداروا صفحات و يقولك (اصمد_ تقدم_ انتحر_ شد روحك_ ماتسامح_ وجرذان _واحرار _واستعد وطبس مليح باش تكون كوبري))

تي اطلع من نفوخي عليا اليمين لبيرجع واستاقض بغلطه وحن لبلاده لما نفديه و نحط ايدي في ايده

كمشه _ _ _

أخت الرجال كتب:ياأختي نتنفس من الأخضر معلومات مثل هذه حتي وان كانت مغلوطة لا تقال في هذه الظروف . . كل شئ غامض سواء من المخططين او السادة فلا نحاول أن نفسر عنهم او نفكر نيابة عنهم وكذلك يجب ان يبقوا مشوشين حتي لا يفكروا وهم الان يتمنوا الخلاص من كل هذه الفوضي وليست مهمتنا إعطاء الأمل لهم ونحن بداخلنا طمائنينة وهدوء نحسد عليها لأننا اصحاب حق ولم نخن او نبيع وطنا

بالله عليك أختي أخت الرجال أي ظروف قاهرة اللي ما تسمح بأن نقول معلومة زي هاذي مثلاً وهيا البلاد من ساسها لرأسها مهتوكة ومشروكة على بعضها وما عاد فيها ما يدرق بكل ولا يلتم وخلي من الناس اللي تجزرت يوم الجمعة في جرة المزاريط ونعرف إن هما اللي جابوهم لعندهم لكن حتى أحنى إنضرينا منهم ومن همهم بصراحة وخطوة كويسة داروها بأنهم طردوهم من طرابلس بعد ما عرفوا حقيقتهم وما مشت بلاش دفعوا ثمنها دم مع العلم بأن فيهم ناس مؤيدة وأكبر دليل أختنا الخضراء غزال البر وبنت زيادة خلي من الرجال ما همش الطرف الأخر بس اللي معاهم والمعلومة اللي قلتها لا أعتقد بأنها بضر حد أو تفيد حد أو تخدم أي طرف وأني لا فسرت عليهم ولا فكرت عنهم وكتبت منذ البداية بأني سمعت معلومة ومن زوز مصادر صح تفاجأت لكن ما نستبعد شيء وكل شيء جايز وممكن هما انخنقوا وما عرفوا كيف ايطببوها فنادوا على اللي كانوا في الجيش والله أعلم في النهاية

بلاد زي الجمار ضاعت
كنوز راحت
شباب زي الورد مات
تريس تنذل وانذلت
مناظق انمسحت
فروخ ماتو
ناس كرهت بعضها
ناس شرفها ضاع
قدرنا طاح
رزنا ضاع الرب الكريم
بناتنا انشهروا في مراقص الخليج وشبعوا فيهم لكان صرصري يحط روحه و يموت غير يسلم ع ليبية

ترليونات ضاعت

في جرة شن والنبي
شن سببه
شن وراه
من داره
كيف صار
علاش
امتى
كيف

والله هم يقطع
تي بلاد ترجع
لاكن لمات مش حيرجع
لأنبتروا اظرافه_
لأستشهد
لشرفه انتهك
لأغتصب
لقدره طاح
لأنذل
لتهان
كله تشاو وحتى ليبيا نفسها اقسم بربي معاد راجعتها كيف كانت حتى نص ماكانت زمان
(سلاح مش حيتجمع وانا الاول بندس _ _ _ الثأر وحتى جرذ شنوا انت تحس وماتنسى و هو ولده وخوه ظرف لوحه عادي)
وغيرها وغيرها وغيرها


تي عندك ربك خير وخلاص
ذكرت دعاية في القنفود متع(برتقاله يوميآ تكفيك من حاجتك اليوميه من فيتامين سي)


100مليار في شهر 1
2011
تكفيك فتنة وعذاب وقهر العمر كله وخراب بلاد وخسارة اضعافهم بعشره الاف مره بالزبط