مسلسل جديد مؤلم ومحزن بسبب القهاير ///

مسلاته، طفل ينتحر شنقاً في مسلاته!!

بسبب خوفه من المدرسة!!! كان يلبس في 5 جوارب كل يوم خوفاً من الفلقة على حد قول والدة الطفل، كان يهدد في اهله بترك الدراسة او الموت ان لم يتم نقله الى مدرسة اخرى اكثر آمناً!! اهله لم يأخذوا الموضوع على محمل الجد!!! سبب قدومه على الانتحار كان بسبب مدرسة عثمان القيزاني، شن فيها الله اعلم !!
الطفل أسمه: محمد عبدالله دومة. تم دفنه اليوم، اللهم اغفر له وارحمه
من الفيس

إنا لله وإنا إليه راجعون واللهم ارحمه واللهم أهله وذويه جميل الصبر والسلوان

يااااااااااااااربي شن هذا لا حول ولا قوة إلا بالله العلي القدير

سمعنا بالعجب واللي ما عمرنا سمعناه في هالقهاير السودة يا رب اللطف من عندك يا رب

توا قدر الله وما شاء فعل والله يرحمه ويغفرله والله يسامح أهله

بالله عليكم يا أهل الطفل حولتوه منها المدرسة واسمعتوا كلامه لأن الأطفال ما يكذبوا وإلا خليتوه بحداكم ولا خسرتوا ولدكم مش لازمه القراية بالشكل هذا وبالطريقة هاذي لدرجة مسكين يلبس في خمسة جوارب خوف من الفلقة شيء مؤسف بصراحة

والله وجعني الطفل لا إله إلا الله Crying or Very sad

الله يرحمه حوير جنه مسكين،وبالنسبه للمدارس والله تقول دار غوله من زمان الاساتذه تقول جلاد
والابلات تقول سجانات ،ومن الصبح تلقاها الابله بعمشها والمخده لاصقه في وجها وعلى نعرتها،ولو النعره نايضه معناها ضروري لاحاميه و
يقعد الواحد يلبس في زوز سراويل و5فنلات
و2شخاشير متع خالتي مش هي اذوكا الصوف الغليظ ومع هذا عقبولنا رجلين 45
و باش الواحد يتحمل الجلد بالطوبو ،وخليكم لما توقف ع الصبوره وراخي روحك تفكر وأذا به فجأة خبطه ع رقبتك لنين جبهتك تضبظ الصبوره و يقعد التباشير في جبهتك زي علامة الماسونية،
و يوم التسميع والامراجعه طبعآ الوزن زياده 10كيلو

وك ايامات
Mad

‏ ‏

‏ ‏

نتنفس من الأخضر كتب:إنا لله وإنا إليه راجعون واللهم ارحمه واللهم أهله وذويه جميل الصبر والسلوان

يااااااااااااااربي شن هذا لا حول ولا قوة إلا بالله العلي القدير

سمعنا بالعجب واللي ما عمرنا سمعناه في هالقهاير السودة يا رب اللطف من عندك يا رب

توا قدر الله وما شاء فعل والله يرحمه ويغفرله والله يسامح أهله

بالله عليكم يا أهل الطفل حولتوه منها المدرسة واسمعتوا كلامه لأن الأطفال ما يكذبوا وإلا خليتوه بحداكم ولا خسرتوا ولدكم مش لازمه القراية بالشكل هذا وبالطريقة هاذي لدرجة مسكين يلبس في خمسة جوارب خوف من الفلقة شيء مؤسف بصراحة

والله وجعني الطفل لا إله إلا الله

ربي يغفر له ويرحمه

هذا عمره .