مشاكل البنزين !

قبل قليل:محطة وقود طريق المطار ،اطلاق النار على الجيش المتمركز بالمحطة ، وماس كهربائي يوقف عملية التزويد

اليوم:طرابلس ، أربع حالات قطع أنابيب ماكينة تزويد الوقود بالمحطات

قبل قليل:محطة وقود خلة بن عون، القبض على شخص قام بقطع أنبوب التزود بالوقود ، "ضُرب من قبل بعض المواطنين"...

قبل قليل:مستشفى شارع الزاوية ، وفاة مواطن على اثر اصابته بعيار ناري عند محطة وقود طريق المطار

مقر شركة البريقة طريق المطار ، مجموعة مسلحة تتهجم على الشركة بدعوى ازمة الوقود ،وتبادل اطلاق نار قبل حوالي خمسة ساعات.

صورة معبرة ,, حال بلادنا للاسف الشديد

والله اعلم شن بيطلع وراها قصة ان يلهو الناس بالبنزينة ؟؟ حسبنا الله ونعم الوكيل

مشاكل البنزين ! 1466299_592732490795041_410123713_n

مشاكل البنزين ! 1466299_592732490795041_410123713_n

ونزيدك امبكري في واحد متاع حبوب من مردف اللانشه طلع يرمي في الرصاص عشوائي في شيل رأس حسن اللي قبل السيمافروا

وتحيا دولة الحقراء Evil or Very Mad

من طرف gandopa الخميس 12 ديسمبر - 21:57

اكثر من 6 حالات وصلت الى مستشفى الزاوية ..
اصابات بالرصاص او بالسكين جراء تعبئة البنزين
مشاكل البنزين ! 1471268_592036497517429_476685618_n

حسبنا الله ونعم الوكيل
والله العظيم فدينا من الهم والاخبار اللي تغم القلب

نبوووووووو نفرحووووو نبو نسمعو حاجة حلوة

نبوووووووو بلااااااااااادنا نبووووو بلاااااااااااااادنا

ياسرنا .

ولا المشكلة لما يجي حد ويقولك بالله انت شن ريت مااااااااااازال ما ريتو شي !!

والنبي ...........

استغفر الله العلي العظيم ,, حتي الكلام ما عاد يبي يطلع .

يااااااااااااااااااااااااااا الله

قصة البنزين مفتعلة عن قصد حتي يتم ألاهاء الشارع الليبي وينسي الحكومة وغيرها من الامور الخاصة بالدولة

وخاصة في العاصمة من انهاء التظاهر والاعتصامات بها وبالتأكيد هذه خطة الامريكي الحقير

حسبنا الله ونعم الوكيل فيهم

من طرف زائر الخميس 12 ديسمبر - 23:40

انا امباعد ان السبب يكون الحكومه متع الرقاصات هذي، لأنهم لو هما وراها يعني بعع بجديات عندهم حيله و هيبه وتخطيط

السبب الاول _الشعب المهلوع

لأنه ياجماعه السيارات متع الوقود تطلع من الزاوية والمصفاة تشتغل

توقعوا سياسه اوروبية عشان ينحوا زيدان و يجي سبع برمبا جديد ينقدنا

الفوضي المفتعله تصل الي خارج العاصمه .
طوابير البنزين وصلت الي صبراته غرباً وزليطن شرقاً وترهونه وبني وليد والمتزاحمون جلهم قادمون من العاصمه.
الشرطه ترفض التواجد داخل المحطات
سجل اكثر من اعتداء علي سيارات نقل الوقود في طريق المطار وفي الطرق الفرعيه
سجلت اكثر من حالتين وفيات داخل محطات الوقود
عوده قويه لثوار البنزينه وتجارها

بدء شلل جزئي في. معظم دوائر الحكوميه بسبب عدم توفر البنزين للموظفين مما منعهم للذهاب الي اعمالهم

المستهدف من كل هذا المواطن

,,

الي الامام ليبيا الجديدة
الثورة المجيدة يا كلاب يا حيوانات سحييييييييييييقة سحييييييييييقة

امس تم قطع طوبوات البنزين في محطة شارع الجماهيريةاللي جهة جامع القدس وفي الليل قطعوا طوبوات محطة غوط الشعال وقبلها قرقارش الى شنوا يبوا يوصلوا مش عارفيين ربي يستر على البلاد
امس خويا طالع يعبي بنزين قاعد بايت غادي الله اعلم قداش ليلة بيشد طابور باش يوصل فيه الدور ومايهربش الضيئ الا مايصير فيها رصاص والا ماينقطعوش الطوبوات ؟
وليبيا حرة ياسادة

من طرف gandopa الجمعة 13 ديسمبر - 9:21

اذا كان اهل طرابلس يريدون التخلص من هذا العبث بارزاقهم عليهم جميعا دون اسثتناء ان يحموا مدينتهم لان تامر الخوان والاذناب من مزاريت ومرتزقه ليبيين وغير ليبيين لن يتركوها ويحاولون اظهار انهم هم القادرون على حمايتها فقط.

مشاكل البنزين ! 1474470_578299488920659_1759049550_n

مزراطه فيها بنزين .

هما اللي يوقفو ع البنزينة في كل الشيلات كان يلمو بعضهم
ويمشو لي هالمؤتمر الفاسد يقلبو عليه الدنيا ويفكوه ويفكونا منه ومن اللي شادينه وحق ربي اريح لهم من تشحوير البنزينة والوقوف ويستنو فيها بالساعات

كان يلمو بعضهم يديرو ثورة جديدة ,, يرزينا فيه هالنفط اللي ما حصلنا منه شي

ما استفادو منه غير الصحاح بس

وياناري علي وليداتنا وتريسنا اللي متشحورين من الصبح لي الليل وفي هالصقع
غير قداش بيتحملو بس يا روحي عليهم ,, متلاقية عليهم من كل تركينا وحتي البنزينة خدت فيهم حصة !!

امس شيل جهتنا توفي فيه ولييييد ان شاء الله ربي يغفر له ويصبر اهله علي فراقه

حسبنا الله ونعم الوكيل

تعرفو وحق ربي اول امس خطمت من جنب شيل علي اساس جايبين له شرطة
تعرفو جت عيني علي واحد من الشرطين ,, تي يا ناس منظررررررررره عاااااااار حشاااااكم

وحق ربي تشوفه يديرلك الاشمئزاز ,, تي حي تخيلوووو لبسته لا تعليق عليها منظره يحششششششششم

والاحرف من هكي شعرررررررررره يا حي عليا كان لقيت نزلت له وشديته منه و عطيته خبطة ع الحيط

هذا الشرطي مربي شعره ومطوووله يا حي عليك منظر حي ,, اني كسر رقبتي الفرخ اللي يطول في شعره فما بالك بشرطي يمتل الدولة والقانون
وهو ياريته حتي هضاكا الشعر المقوم وحق ربي شعر ملوي ومنظره يدير القداد ولابس طايقة تحشم حشم حاله

وكان تشوفوه كيف يتكلم ,, يا ربي هذا شنو المناظر اللي تسد النفس

خزي ولد ومطول شعره يا والله ع التريس !!!!

قالك شرطة وبيحمو الدولة قال ,, تي والنبي بلا جو هذا شوي شوي تلقاه يدور في المزينات بيستشور ويقص ويدير تسريحة 0.0

وليييييييييييييييييك الله يا ليبيا

ياااااااااا ربي فرج علينا ,, نبو حاجة تفرحنا ونبو بلادنا زي قبل يااااااااااااااااربي

من طرف زائر الجمعة 13 ديسمبر - 12:51

ان شاء معاد تجي

تي كيف هكي يا آل فبراير؟؟
في الاحداث الناتو يقصف و5جبهات مفتوحه وجيش وجرذان مصكرين حقول نفط وطوبوات
وبواخر البنزين يأخد فيها الناتو

ومع هذا هانيه وماشية الامور
و نساوينكم يعجنوا في الحنه بالبنزين

وقعدنا 6شهور هكي

وانتم البلاد امورها طيبه و اسبوع نص الشيلات تصكروا

آه وخلاص

اهو انبهو فيكم من توا

قالك من عنده برميل بنزية يتصرف فيه ولا حتي يدوش بيه ويمشي يكسد بحدا الكانون راه

راه بعد 24 ساعة بتبدا امور البنزينة مش مية مية وبس لا لا ألف ألف

فلذلك كل من عنده برميل ينقعه ويشرب ميته

اني بصراحة صدقت ان هتحل المشكلة وانتو شنوووووو ؟؟ زيني ولا تحسوها اشاعة مغرضة لجماعة البراميل ههههه

يا والله شعب ليبي ما تفهم معاه شي

,,

توا لقيت كاتبين ع الفيس ان راح تنحل المشكلة ويهددو في جماعة البراميل هههه وحق ربي جو جو

قصة البنزين مفتعلة وهي تغطية علي المليارااات التي سرقهاااا زيداااااان

والشعب الليبي فاتت عليه باااش يلهووو في البنزينة والجماعة السااارقة تلهى في سرقة رزق الشعب

وزيدوووا يا ليبين اقتلوووا بعض علي خاااطر كذبة البزنينة ... حااال الليبي يبكي الحجر ...

من طرف Zico السبت 14 ديسمبر - 1:54

مفتعلة وبإحتراف وخبث

لاحضوا اجتماعات المؤتمر متعهم وقداش طلع فيه قرارا خلال هال 10 ايام الماضية وقداش فيه فولس وميزانية قاعدين ينهبوا فيها شوفوا الجرائد يا ناس تعرفوا على الاقل جزء ماللي قاعد يصير