قصيدة معبرة جدا لاحد النادمين

اكرهنا نشرتهن لخبار....اتعبنا من قولت تفجير....
اكرهنا قولت صار وصار....خبر يفجع يا وجوه الخير....
خبر عاجل يظهر فشعار....ايشتت عقلي والتفكير....
خرراريف ايريدن فسار....ونا واحد عندي تفسير....
ابلاد انهلتت وسط نهار....وسرقا وتفجير وتكبير....
ملايين وسرقت دولار....عرب مافيهاشي الضمير....
وبين المجلس والثوار .....وبين حكومة والوزير......
.وبين عطابت حتى الجار...قباله توريد وتصدير....
احدودك تمن كيف البار....احبوب وبخوه والتخضير..
وبين اجيوش وبين دمار......وبين خطف وتعراية وزير...
..وبين اللي سكر لابار....وبين اكرمها والتكفير...
وبين اللي ما حاجه دار....ولا طيب لاهو شرير.....
وبين طيابه والاشرار...عقاب شعبي واللي غفير..
شالك يا ابلادي تيار....ازعم بيكي لاوين ايسير
اخساره ي ليبيا اللي سار..هرمنا من مرجا التغيير.....
هرمنا وحنا موش اكبار ...امغير فجايع والتكدير......
.....
ندعي لله الجبار ...ايولي اللي عالوطن ايغير.
ثوري اربايت ناس احرار.....اوفارس يبقا كيف الزير...
ولد بلادي اللي ماهو سكار....وتاريخه بالجود شهير...
ايقدرهم شياب اكبر..ويعطف حتي ع الصغير.....
ايخاف ربا ايصلي لفجار....وما فينا سيات ايدير.....

.وتعيش ابلادي في لقدار....ايعم عليها خير غزير..
وتاتي بعد اجداب امطار..........اتجي ابسحاب.............اشبوبه تحلف كي الضباب....

هذه الحقيقة ما نحساب...ايصير خراب...اتجيه اذياب...مع الكلاب...ابنهشت ناب ...اطير اراقب ...ابقي موصاب...الوطن وساب......اتقول سراب...الخير وغاب........علي وطني دمعي سكاب...........هذي الحقيقة