فبراير ودموع التماسيح

صفحات الفبرايريين تتباكي وتتعاطف مع ضحايا غزة . واللي يكبر . واللي حاط دعاء . واللي ناشر صور الضحايا . واللي مسمي صفحته كلنا غزة . واللي متأثر بشلقم ومنزل دميعات علي الصفحة .
...
باهي شدوا عندكم ياعيت فبراير ...
زعما الفبرايريين اللي أعطوا الجنسية للصهيوني (برناردليفي) واللي هتفوله . واللي دخلوه لبيوتهم . واللي كبروله . يقدروا ينزعوا منه الجنسية . ويتبرؤا منه . لأنه يؤيد ويدعم القصف على غزة . هادي الاولى ياجماعة التكبير .
وزعما العيلة الفبرايرية اللي من طبرق و سمت ولدها بإسم الماسوني السجين (نيقولا ساركوزي) . تقدر يمشي للبلدية . وتغير إسم ولدها بركة ولا حتى الخير جاي . لأن ساركوزي يؤيد قصف غزة . وهادى الثانية ياجماعة فزعة ساركوزي .
وزعما العيلة الفبرايرية اللي تبرعت بقطعة أرض في الشرق للمعتوهة (موزة المسند) . . تقدر توكل محامي وترد الأرض وتتبرع بيها لعائلات ضحايا غزة . لأن موزة قطر تقيم علاقات مع الصهاينة اللي يقصفوا في غزة . وهادي الثالثة ياجماعة أقل من مرتبة الكلاب .
وزعما اللي أستقبلوا ورفعوا صور الماسونين (ماكين وكلينتون وكاميرون ورايس واردوغان) . يقدروا يطلعوا مظاهرة أمام الشاشات ويمزقوا صور هؤلاء الماسونين ويحرقوا أعلام دولهم . ويطردوا ديبورا . ويشتموا صمتهم ودعمهم لقصف غزة . وهادي الرابعه ياجماعة نسيم الحرية .
وزعما اللي قالوا (وين الناتو) . وسموه طيور الأبابيل . وكبروله . وعصدوله البازين . يقدروا يطلعوا ويقولوا طز في الناتو . ويسموه غربان الشر . ويمنعوا الطائرة بدون طيار من التحليق في سماء ليبيا الحرة . لأن الناتو يقدم السلاح والذخيرة والدعم اللوجستي للعصابات التي تقصف غزة . وهادي الخامسة ياجماعة الأحداثيات .
...
نزيدوا ولا ياسر إحراجات ...
سامحونا أزعجناكم وماخليناكم تفطروا كويس ياجماعة البركة ...
وبعدين بالله بلاش فضايح . ومالكم وغزة و مقديشو . وخلوكم في همكم . البركة فيكم خليتوا كل مدن ليبيا أسوء من حال غزة .
...
يامنافقين . العروبة والاسلام والإنسانية والثورية . ليست كلمات تكتب أو شعارات تردد أو دموع تذرف . لكنها مواقف وأفعال يسجلها التاريخ وتستحضرها الأجيال .. الفـــــــــــارس

اللى يقدر يدير هذا كله ويقول طز لكل خائن مات ومستحيل ماز ال نلقوا واحد زيه يلف الشعب تحت عباته