رسالة لكم أيها الأحرار الصامدون مع الحق

يامرسول .. لو تلقاهم ملتمين 
يامرسول .. سلم بأيديك الثنتين 
مسي على شياب كبار .. ناس عزايمهم داخلين 
عاشو طول العمر احرار .. و شوفتهم بتزهي العين 
قوللهم لا باس عليكم .. يسترها الله خطاويكم 
من غير صقرهم ما بدي ... يا مرسول

يا مرسول .. نرجى فيك معلق عيني 
يا مرسول .. تسرع توصلهم و تجيني 
و أنشدلي عن كل حبيب .. باعدني عنه الزمان 
فارقنا عنه النصيب .. زعم دافي و الا بردان 
قوللهم شدة و تزول .. صيتي وصل يا مرسول 
كل واحد دوره بيأدي ... يا مرسول

يا مرسول .. يا مرسول
عاجل تمشي لموطنا تزوره دار دار 
تشيل وصيتي ليهم هلنا الثار الثار 
ما تطفى نار بداخلنا حتى الانتصار
يا مرسول .. يا مرسول 
حلفت بالله تصدقني في القول 
تمشي لناسي و تجيني سالم يا مرسول 
و نحلفلك ما نغمض عيني مهما الليل يطول

هاني جيتك .. وصلت وصيتك للكل 
هاني جيتك .. و اللي قلته ليا وصل 
و نتذكر ساعة لاقيتك .. قلقان جريح و باعتني و انت زاعل
و ما نجحد في وقت ان ريتك 
مانكش مليح و مكسور الخاطر ذابل
اطمن ناسك لاقوني .. فرحو بي بالحضن خذوني
و هاللي شفته شي كثير ... من يوم لناسك عديت 
جايبلك بشاير خير ... ياما ريت و ياما ريت
و قالولك في عهدك ديما .. ناسك مانديروش الشينة
و قالولك كيف ماتبينا .. افخر و ارفع راسك بينا 
و ين تريد تهدي هدي ... يا مرسول

ريت قبايل مازالو لك خوت و اهل 
ريت عوايل قالت وطني مانبدل 
ريت شقاكم و خو هايم .. مايرضوش حياة الذل
اطمن ناسك لاقوني .. فرحو بي بالحضن خذوني 
هاللي ريته شي بديع .. مش قادر ليك انكمل
ريت عرب من نوع رفيع .. ريت حراير بتناضل
و قالولك شاغالنا حالك .. تدلل و يزيد دلالك
و قالولك شاغلنا حالك .. تسلم لوطنك و عيالك 
و أحنا معاك أنزيد تحدي .. يا مرسول

ريت عمامك و ريت خوالك .. و ريت عجايز و شيابين 
و ريت عرب فرحو بكلامك .. حسو بألامك جيرانك لك مشتاقين
ريت اصحابك يانيالك واجعهم حالك .. يبكولك بدموع العين 
و ريتلك حاجات جميلة .. ريت الخيمة 
و ريت نخلنا .. و مريت على كل مدينة 
و ريتلك حاجات ثمينة .. 
ريت جبلنا عوايد هلنا و الساحة الخضراء و شاطينا
و قالولي يكفي يكفينا .. تو قريب تسمع بينا
و قالولي يكفي خلينا .. مازال معمر غالينا 
نرجو فيها غير تبدي .. يا مرسول

   اسعدني مرورك اخي الكريم ورفلي حر و بأمثالك الجماهرية تفتخر يا احرار  

تسلم ايدك خونا وصلنا مرسالك

لارجوع كتب:تسلم ايدك خونا وصلنا مرسالك

  مشكور اخي على المرور المتميز جدا