كذبه الشرق

انا غرباويه مولوده وعشت في الشرق

نبي نحكي بصراحه لاني بنفجر والمشكله اني مش قادره نحكي لانه اللي يحكي في درنه يقتلوه

ونص عرب درنهمش راضي علي الوضع

لان هيهي السراقين هما اللي ماسكينها تخيلو حتي في رمضان ربي مارحمو الناس جميع المناطق خذو الميتين متاع رمضان اللي تقول شاحتينهن شحته من صاحب عمرا ميتين مايسدن شهر في ايام عاديه لابال رمضان ماعدا درنه اللي عطوه ميه وخمسين واللي ميه واللي قالوله عدي ملح مع العلم وحدين مرتباتهم بالكامل وزياده المرتبات المساعدات اللي يجن من بره يبيعو فيهن

حسبي الله ونعم الوكيل

هذي الاولي الثانيه الكذب ويصدقو انا مستاعضه عارفين هنا المعاررض للمجلس شن مسمين قنوات ليبيا اللي مش حره مسينهن برشلونه ورئيس المجلس امير الظلام من كثره الضي اللي طافي الدعاء الاكثر شيوعا اطفي لهم نور اعينهم قولو امين

اما التحفه صاح الغاء قانون الطلاق يعني الوليه مش من حقها تطلق واخري ممنوع انها توقع اذا رجالها بيجوز عليها هذي الحريه متعتم يعدمو المرا

اما الحلو في درنه وعجبتني انهم قاهرهم شاكير ويتفرجو عليه كلهم يتفرحو عليه واللي قاهرتم اكثر انه يقول في الصح يا عرب الغرب شاكير يقول في الصح عاجبني وزيد اقهرهم

طبعا لا وجود للحريه مع القاعده اللي هما مغطيين عليها بيش يقدرو يلهفو ليبيا عارفين ان مصطفي عبد الجليل مقدرش يخش الا بعد مااستاذن من اللي ماسكها مش عارفه من الشاعري وهذا اسم واحد مش باين زي حكيم وقمو داس روحه وهوا اللي ماسكها خذا الاذن وعطوه الامان ورساله لفتاح قبل مايتوفا قالوله قرب من درنه سياره مفخخه ترجي فيك

والجلطينه زي اللعبه في درنه كانو يبيعو فيها اخري هيا والرمانه واللي يحكي اي كلمه حق في درنه طابور خامس

لانه ضد المجلس يقعد طابور خامس

انا نتمني انه شاكير يقرا المقال هذا حكاوي بنيه صغيره بس اقل حاجه الصغيره هذي فاهمه عرب الغرب كيف يفكرو ومتاكده انهم صاح ملسون في الميه

احسن مليون الف مره من ناس الشرق اه عبد الحكيم الحصادي باع الحطام الللي فاضل علي اساس بناء المبني الجديد للاقتصاد في الفتايح في مزاد علني وهذا حلال وطبعا هنا يحللو ويحرمو علي كيفهم كارعين فيها يدقو

ونهايه الحديث هذمي لاحريه ولادمقراطيه هذمي طاغيين كل حاجه بالغصب وارضو غصب عنكم تبو ولا ماتبو مبروك تحرير مصراته وتقعد ان شاء الله ديما بيد قوات الشعب المسلح اليبي ربي يكون معكم ويحفظ ليبيا من كذبهم اللي باين يوم بعد يوم وعقبال تحريننا نحنا منهم وفكنا ربي منهم ومن امثالهم انا نتمني انهم يجردو حتي من الجنسيه الليبيه لانهم مايتحقو لا ليبيا ولايستحقو حتي دخولها ربي اجعل كيده في نحورهم سيرو فا دعانائنا معكم ان شاء الله ربي يحفظكم

والله يااختى ربى ايكون فى عونكم ويعوضكم خير ووالله احنا عارفين اهلنا فى الشرق مايرضو الا قلة قليلة انتهازية وخونة واحنا ماعندنا لوم عليكم احرار الشرق وان شاء الله اختى اتكونى اخت عزيزة على الاعضاء و انتى بين خوتك واهلك وناسك شرق ولا غرب كلنا خوت واحباب وان شاء الله ربى ايفرج عليكم قريب وردى بالك تزعلى منا كان مرة تعقدنا من شى وقلنا كلمة فى اهلنا فى الشرق وخاصة خوك عابر السبيل مرت نتعقد وانقول كلمة خاطية مع ان كلامك فيه لهجه اهل درنة بس الحمد لله وصل كلامك

أهلا بك اختنا في منتدى الأحرار
ربي يفرج عليكم من كيد الكائدين ولكن إذا كان عرب بنغازي يقولوا اغلب بنغازي مش راضيين وعرب درنة والبيضا نفس الكلام كيف تسمحوا لقلة ان يسيطروا عليكم وانتم مسلحيين؟؟؟ ربي يستر علينا وعليكم وانشاالله الفرج قريب