الكرامه وقسوره

هلوسات ليبي ..
الخميس 2014.7.31
الكرامة وقسورة !!!
الكرامة شادهلنا الحجازي متاعهم 70 يوم سيدي خليفة ..سيدي فرج !! سيدي خليفة سيدي فرج !!
وكان طار بالنار.. سيدي عبد العاطي ؟؟ تقول بيدير حضرة !!!...
والصاعقة شاديلي بوعطني .. بوهديمة ... بودزيرة !!؟؟
وفي الاخير خلوا بابهم مفتوح لين خشولهم جماعة بن قمو وبن حميد والزهاوي !!
وصبح بوخمادة وحفتر لابدين في الحقف !! ويا سبحان الله اول مرة الجيش والصاعقة هاربين في الجبال و الارهابيين يدهوروا في المدن !!!
. وعلى العكس ؟؟ المصاريت ليهم شهر شاديلي حمزة .. صلاح الدين .. حمزة .. صلاح الدين تقول تحضَر في برنامج تاريخي !! وهما يصفروا في الجراد ويقصفوا في الطيارات والعمارات !! ما سلمش منهم حتى السعي !! كمشة لمد شي سكران وشي محشش سواري طوال وكنتيرات يحسابوها زي قبل زوق سيارتك بلون معين ما يقصفكش الناتو ويمسح الطريق قدامك !! وهما مدرسين في الظل لين
خوالهم يأمنوا الطريق !! لكن المرة اهياه حاميكم الاوحد (بلد بيكم) لاهي في اوكرانيا خلاكم دايرين عقد بسيارات الاسعاف الطارقة في الطارقة !!!
على فكرة .. حسب اعتقادي انه لو استتب الامر لجماعة الزهاوي وبن حميد في بنغازي مش حيطولوا وحا يبدوا في بعضهم لانهم كل واحد دينه بروحه ومش راح يتفاهموا !!؟؟
وسامحوني ( خوكم كلام عرب )

في قلوب الكثير من الليبيين حتى و لو كانو من العملاء ندم على القذافي
القذافي عملة نادرة
و شخصية عالمية استثنائية لا تتكرر