جايينك يا طرابلس

جايينك ياطرابلس لانقاذك.. لتحريرك.. لنصرتك لـ...

اصبر شوي سلم وليدي ويييييييييييييييييين ماشي وين من شكون بتنقذني ومن شكون بتحررني يابابا
كانك جاي بتحرر السمي اللي فوقي من الخفافيش اللي يحوموا فيها ليل مع نهار (معاك وأهلين بيك) وكانك جاي بتنظف أرضي وما تخرب فيها وادمر من مباني من عمارات من صواريخهم من طيايير السما ومن البارجات (معاك وأهلين بيك).. كانك جاي بتردلي أولادي اللي استشهدوا وتقطعوا ودماواتهم تشرتعوا بين الشوارع والزناقي وارواحهم عند ربي خالق الخلق رب العباد..( معاك وأهلين بيك)..

لا لا صبرك الخفافيش اللي تحكي عليهم جوا بيحموك و صواريخهم جايين لحاجة ثانية لكن قوليلي شكلك تحضري في شاكير..

برا برا صار جايين بيحموني.. يا عليك والله عازة وعقاب وقت شورني معش عندي تريس لين جايين هالمرمدين بيحموني.. ومن جايبهم جايباتهم وخياتي وضناهم دقوا على صدورهم وجابوهم وجو تريته كله من المحبة والمحنة الزايدة وأني منعلمش(ما كان العشم)..

خيرك هكي تتمحقني انت مخدوعه في كذبة كبيرة ونرد نقولك تحضري في شاكير وجماعته...

وخيره شاكير مش عاجبك يا بابا شن دارلك احكيلي وبعدين مانعرفله جماعه من قبل جديده هادي

شاكير شاكير شاريينه ودافعينله فلوس.. شاكير عليه المسدس كل حلقة وخاطفيين عيلته وصغاره باش يقول اللي يقول فيه..شاكير خاين عايش طول عمره بره وجاي يضحك عليك..

ترررررررررررررررب !!!!. ارسى على بر شاريينه والا مهددينه والا هو خاين أصلا وخاين لمني..خليك ورا الجزيرة والعربية وغدوة البريقة وامس في غريان ووو..لين تلقوا روحكم في الكماشة

خيرها الجزيرة والعربية وقفت معانا وقفة تريس و..

هابا والله شوقني التريس ووقفتهم كانهي زي هالوقفة، وحمد وفريخ العمارات باك تحب تشكرهم بالمناسبة

طبعا الاخوة العربية جسدتها قطر(ائيل) والامارات خير تجسيد

صار قتلي الأخوة جسدها اشكون البرميل هذا ولد جيرانهم، وساركوزي ماتنساشي راهو تزعل عليك ماما

صدقيني ياطرابلس ساركوزي هذا ماناقصاته الا يستشهد هو وكل الجنود اللي معاه وللجنة طول (أستغفر الله) بس انتم اللي ما شيين في .......
والله يا غالي أفحمتني بهالكلام ماعاد عندي مانقول ماناقصاته كان الشهادة أمنت بالله والشفاعه يارسول الله
كان بس عندي جِريدة خضرا ونحوزك انت وجماعتك نربيكم من اول وجديد لين تعرفها أخوة خوا وتموتوا سوا
وساركوزي هذا يحشرك الله معاه انشالله. وتحقني ماتطقني بعون الله

(طلعت في دماغي وكتبتها آسفة جدا لو كانت مش مرتبة ومش منسقة أو كانت ناقصة)

تسلمى اختى ريم والكلام المباشر الذى يخرج من القلب هو الذى يصل الى القلب بسرعه وربى يحفظك

مشكورة فروحه عالمرور وربي يجبر بخاطرك انشالله

آآآآآآآآآآآمين يارب.. ويبارك في الجميع انشالله

ماشاء الله عليك ياريم والله نحسابه محادثة حقيقية لانه هكي اسلوبهم تسلمي يا ريم

مشكورة أختي

مشكورين للمرور زيكو وياسمين وبارك الله فيكم

منور حمزة الله يبارك فيك

ريم سالم كتب:

saleh salm كتب:*******************************

عفوا ما فهمتش الكلام لي أني ؟

لوكان كلامك ليا ماتعرفني راك مصمص فمك بالزهر والواراكينة عشر مرات عشر مرات قبل ماتلفظ اسمي يا .. نحن في شهر رمضان ومافيش داعي لكلام منحط ومن مستوى زي المستوى اللي تكتب بيه
اللهم لا تؤاخذنا بما فعل الله منا

saleh salm كتب:*******************************

لا حول ولا قوة الا بالله عيب جدا اخي انك ترد وتكتب كلام دون ان تقرا المكتوب واعذرني ان قلت ان كنت لم تقرا المحادثة أعلاه وأضفت تعليقك هذا فهي مصيبة وان كنت قرأته وكتبت فهي المصيبة الاكثر ولا باس من قراءتها مجددا

saleh salm كتب:*******************************

قريتها 10 مرات ومافهمتش الا السخافات اللي تذكر فيها انت تعرف قدر الا ساءة اللي سببتها لي بكلمات بذيئة متسرعه
واضح انها محادثة بين واحد من ثوار الخزي الخزي النيتو( مكتوب بالاحمر) يكلم في طرابلس ( المكتوب بالاخضر) هو يتكلم وهي ترد عليه أظن واضحه وماتستاهلش هالشرح هذا كله
هذا ثوار الخزي الخزي النيتو
وهذي طرابلس ترد عليه وعلي زيه

ياريت بلاش اندفاع ورد سريع بكلمات ان قلنا عنها قاسية فنحن نجملها ولا تنس ان بعض االظن اثم وأنه مهما كنت ليس من حقك ام تتهم غيرك بهذه الطريقه وياريت تكون فهمت من شرحي

saleh salm كتب:*******************************

ما أحقر ألفاظك يا سبحان الله

saleh salm كتب:

*******************************

اعتقد انه الجرذ اللي مسمي نفسه بني وليد



كلب حقير

Libyan Patriot كتب:

يا اخ saleh salem ياريت اتصلح من الفاظك مرة اخرى ولا تنعث اخوتك بالفاظ متسرعة .. وانت اذا مافهمت الموضوع ياريت ماترد عليه من اساسه .. الموضوع واضح جدا والاخت ريم عضوة معروفة في المنتدى بمواضيعها الادبية الراقية .. فاذا انت ماتفهمش في هالمواضيع ياريت ماترد عليها وخليك في الاقسام الاخرى .. وهذا انذار (الأدارة)

مشكور اخي تسلم والله يبارك فيك .. وجيت فوقتك الصراحه لأني شوية ثانية راكم بعتولي انذار حتى اني

اولا ناسف عن ما كان منى
تانيا انا ليس جرد الى اسمة بنى وليد
ثالثا انا جديد بالمنتدا
رابعا لااتحمل الجردان اطلاقا
واستغربت فى نشر للشخص الذى اسمة بنى وليد ولمادا لايثم قفل اشتراكة ومنعة من النشر لانة خالف ميثاق المنتذاومرة اخرى ناسف جدا لجميع الاعضاء بالمنتداوشكرا لكل افراد المنتدا

saleh salm كتب:اولا ناسف عن ما كان منى
تانيا انا ليس جرد الى اسمة بنى وليد
ثالثا انا جديد بالمنتدا
رابعا لااتحمل الجردان اطلاقا
واستغربت فى نشر للشخص الذى اسمة بنى وليد ولمادا لايثم قفل اشتراكة ومنعة من النشر لانة خالف ميثاق المنتذاومرة اخرى ناسف جدا لجميع الاعضاء بالمنتداوشكرا لكل افراد المنتدا

اسفين يا اخي العزيز

لا تزعل مننا

واسف مره ثانيه

شكرا يارشيدى والى الامام والله اكبر