موضوع للنقاش

من طرف gandopa السبت 23 أغسطس - 21:24

مواطن كتب:السلام عليكم .. انا عارف ان هذا الموضوع خاص بالاخبار العاجلة وليس مكان لتعليقي .. المهم وبالليبي باش منتفلسفش عليكم .. مفروض القسم ليحب النظام السابق او مناصري معمر او اي تسمية تحبو تسمو بيها انفسكم يغاضو الطرف ولو شوية ع الجنب لجي بعد الانقلاب لصار في فبراير ، يعني زي ما انا مواطن مستقل ومتتبع للصاير في الساحة الليبية اغلب الليبية ولو مش 90% منهم ولو في قائمة انهم كارهين الثورة مع انهم كانو اكبر مناصريها انتو يلزمكم تستغلو هذا الجانب وتحببوهم فيكم وفي نظامكم السابق او ع الاقل تحطو يدكم بيد هادم وتبنو ليبيا جديدة في انقلاب جديد اديروه مع بعضكم بدل وصفكم لهم بالجردان تحب الجبن وغيره لان انتو تزيدو تقسمو في الصفوف حاليا فيه ناس عارف ان لو رجعتهم هما حيموتو مع انهم فدو من لصاير توا يعني بدل ما عندنا طرفين بدي عندنا 3 لو استنينا انصار الشر لهو الطرف الرابع المجهول حتى الان

ماحدش يكدب ع روحه ويقول نظام معمر القدافي كان جنة ، لهذا مش ضروري تتمسكو بالنظام لفات وترجعوله وتقفو عنده ، انتم مايقارب 60% من الليبين والقبايل انتم اكبر من معمر القدافي القبائل الليبية اكبر من اي ثورة واي شخص ماعمره فبراير متلت الليبين او يجي اي حد يمتلهم .. القبائل تمتل ليبيا سكان ليبيا يمتلوها انتم اسعو لضم اكبر عدد ممكن من الناس ليكم حببوهم فيكم بدل ماتنفروهم ..

لو سيطرتم ع ليبيا هل ستخوضون سنتين او تلاتة تانيات وانتم تحاربو في الفئة التالتة هادي اللي اطلقتو عليها اسم نادمون ؟ يعني مازال الحرب حتستمر وليبيا حيستمر خشوشها في الحيط اكتر واكتر .. تجنبو مصطلح الجردان ربما هما ربي يهديهم ويتجنبو مصطلح الطحالب وعيشو ليبين زي قبل مافيش فرق .. وانتم قادريين على هذا الشيء قادرين انكم تجمعو الصفوف وتلفو حولكم الليبين لطرد المليشيات الاخوانية والتكفيرية وساد لوم للزنتان لانها تستعين بيكم ، اي الزنتان من غيركم ضعيفة لاكن اشكروها اعطتكم الفرصة المتالية للعودة بالوجه المشرف للعودة كا ابطال مش كطرف عدو ، اغلب عناصركم من الجيش وسيعود الجيش ستعود ليبيا ولاكن منبوهاش زي ايام معمر ولا نبوها زي ايام الفبراريين .. نبوها بلاد زي العالم والناس فيها قانون فوق الكل ومافيهاش ارهاب ..

وسامحوني ع الاطالة خوتي .. ونحب نشكر القائميين على ركن الاخبار العاجلة عز العرب وجراح الوطنية لانه بصراحة كل الاخبار نستقصي فيها من هني واغلبها صحيح .

تحياتي .

هذا موضوع شارك به احد الاعضاء الجدد ويسمى مواطن يطرح فيه رايه، تم نقله من منتدى الاخبار الى منتدى الحوار والنقاش الهاذف لغرض منقاشه .

من طرف مواطن السبت 23 أغسطس - 22:36

شكرا على نقلك للموضوعي .. والباين انكم ديموقراطيين اكتر من الفبرايريين وتاخدو في راي الاطراف الغير منحازة الا ليبيا .. شكرا مجددا عز عرب ..

من طرف gandopa الأحد 24 أغسطس - 10:26

الشهيد معمر القذافي هو الرمز الذي نستلهم منه ومن فكره كيف لنا ان نحيا بعزه ومجد، وهو قائد لم يكن همه في الحياة الا ان تسعد البشريه جمعاء عبر نظريه جماهيريه يشارك من خلالها جميع الناس في البناء دون تسلط او تحكم من احد وكلا عليه واجباته وله حقوقه.

في ليبيا نحن كشفنا ونكشف الحقيقه لباقي الليبيين، حقيقة المؤامره التي تحاك ضد ليبيا والامه العربيه والاسلاميه ومازلنا نسعى الى انقاذ شباب ليبيا الذين سقطوا في براثن هذه المؤامره التي حولتهم الى مطايا تم استغلالهم لتحقيق اهذاف عجز العملاء والمخابرات الاجنبيه على تحقيقها طيلة عقود.

نحن اعدائنا نعرفهم جيدا وهم الزنادقه التكفييرين والغملاء الذي باعوا الدين والوطن.

نحن نسعى جاهدين الى تطهير ليبيا من اعدائها، محاولين قدر الامكان إشراك كافة الليبيين الذين لم يلحقوا بناء، لانتشال ليبيا من هذا الضنك التي تعيشه، والحمد لله الامور تسير على ما يرام وعدونا ساعدنا كثيرا، بانه كشر عن انيابه وفضح نفسه وماذا يريد من ليبيا وكشف عورة فبراير وما كان يخفيه.

بامكانك ان تلاحظ الكثيرين من الفبرارريين، كيف تغيروا واصبحوا في صف الحق وفضح المؤامره.

لم يكن الهذف في يوما من الايام قتل الناس او ارهابهم والسعي للحصول على السلطه، وهذا لم يكن في الماضي ولن يكن، نحن نسعى لتطهير بلادنا من العملاء ومن الاستعمار وان نعيش بين باقي الاقطار ننعم بالاحترام والتعاون بما فيه خير بلادنا وخير العالم.

نحن لانؤمن بالانقلابات او ان تستحود مجموعه على مقدرات البلاد، بل نسعى الى تحقيق المجتمع الذي يحكم نفسه بنفسه دون وصايه من احد.

انا لا اتفق مع هذا الطرح ومن وجهة نظري ارى الاتي لارجاع ليبيا تحت الراية الخضراء
1- الاصرار والتمسك بمبادئنا وعدم التحاور واستجداء الجرذان حتى وان كنت الجانب الاضعف
2- تكثيف الحملات الاعلامية بكل قوة على الاسلام المتشدد في ليبيا وفي ذات الوقت اشعال روح القبلية لدى الليبيين لانها الحل الوحيد
3- تدويل الحرب على الارهاب داخل ليبيا وهذه مصالح لانهم جرثومه تحتاج لضربات كبيرة للقضاء

من طرف مواطن الأحد 24 أغسطس - 15:31

انا ارى فقط ان لم الشمل افضل كتيرا من تمسك كل طرف بمسمى وتورة وراية واستماتته للدفاع عنها ففي الاخير اعتقد بانه الليبين ليسو اعداء بعض ولكنهم اعداء هاؤلاء الاتراك والشركسية الذين يحضنون الاخوان والتكفيرين في مدنهم ويدافعون عنهم .

لايجب علينا ان نعيد غلطة 2011 ونوجه بنادقنا في وجه بعض بعد ان اتضح عدونا الان !!

مواطن كتب:انا ارى فقط ان لم الشمل افضل كتيرا من تمسك كل طرف بمسمى وتورة وراية واستماتته للدفاع عنها ففي الاخير اعتقد بانه الليبين ليسو اعداء بعض ولكنهم اعداء هاؤلاء الاتراك والشركسية الذين يحضنون الاخوان والتكفيرين في مدنهم ويدافعون عنهم .

لايجب علينا ان نعيد غلطة 2011 ونوجه بنادقنا في وجه بعض بعد ان اتضح عدونا الان !!

أنا مع كلامك الا في هذه أخي

لايجب علينا ان نعيد غلطة 2011 ونوجه بنادقنا في وجه بعض بعد ان اتضح عدونا الان !!

القائد لم يعطي اوامر بأطلاق النار وهو من حرض الى خروج مسيرة لم الشمل وكذلك نادى الى انعقاد مؤتمر القبائل
أذا هو لم يرفع السلاح في وجه من رفعوا السلاح وخرجوا ضده
واعتذر لايمكني اكمال الحوار لأن الكهرباء مقطوعة عنا ولنا عودة

جي الضيء وعدنا للنقاش

عزعرب كتب:
مواطن كتب:السلام عليكم ..
وعليكم السلام ورحمة الله وبركاته
انا عارف ان هذا الموضوع خاص بالاخبار العاجلة وليس مكان لتعليقي .. المهم وبالليبي باش منتفلسفش عليكم ..
أهـــــــــــلاُ بك ومرحبا في أي وقت ومكان
مفروض القسم ليحب النظام السابق او مناصري معمر او اي تسمية تحبو تسمو بيها انفسكم يغاضو الطرف ولو شوية ع الجنب لجي بعد الانقلاب لصار في فبراير ، يعني زي ما انا مواطن مستقل ومتتبع للصاير في الساحة الليبية اغلب الليبية ولو مش 90% منهم ولو في قائمة انهم كارهين الثورة مع انهم كانو اكبر مناصريها انتو يلزمكم تستغلو هذا الجانب وتحببوهم فيكم وفي نظامكم السابق او ع الاقل تحطو يدكم بيد هادم وتبنو ليبيا جديدة في انقلاب جديد اديروه مع بعضكم بدل وصفكم لهم بالجردان تحب الجبن وغيره لان انتو تزيدو تقسمو في الصفوف حاليا فيه ناس عارف ان لو رجعتهم هما حيموتو مع انهم فدو من لصاير توا يعني بدل ما عندنا طرفين بدي عندنا 3 لو استنينا انصار الشر لهو الطرف الرابع المجهول حتى الان

أخي الفاضل أنا معك فيما تقول ونحن يدنا ماتزال ممدودا الى الذين لم يغمسوا ايديهم بدماء
وأما بالنسبة للتسمية للاسف من كثر أعمال الفبراريين التي الواحد ماعنده مايقول فيها يجد نفسه يردد هذه التسميات لتخفيف من الالم والانزعاج الذي يحصل منهم وفعلا المفروض الا نقول هذه التسميات ونخفف منها فنحن للأسف اخدنا ننادي في أنفسنا بأسماء الحيونات والله أكرمنا بأننا بشر و أنعم علينا بالاسلام

ماحدش يكدب ع روحه ويقول نظام معمر القدافي كان جنة ،
النظام ماعندك ماتقول فيه بس للأسف الاشخاص اللي شدوا المناصب هم اللي لعبوا في النظام وافسادواه والشعب كان ساكت وراضي
لهذا مش ضروري تتمسكو بالنظام لفات وترجعوله وتقفو عنده ، انتم مايقارب 60% من الليبين والقبايل انتم اكبر من معمر القدافي القبائل الليبية اكبر من اي ثورة واي شخص ماعمره فبراير متلت الليبين او يجي اي حد يمتلهم .. القبائل تمتل ليبيا سكان ليبيا يمتلوها انتم اسعو لضم اكبر عدد ممكن من الناس ليكم حببوهم فيكم بدل ماتنفروهم ..
نحن نتمسك بفكر ونبحث عن الامان وفكر القائد أكبر من القبائل والدليل أن القبائل الان تلتحم كما دعاه القائد للألتحام من جديد وبقوة

لو سيطرتم ع ليبيا هل ستخوضون سنتين او تلاتة تانيات وانتم تحاربو في الفئة التالتة هادي اللي اطلقتو عليها اسم نادمون ؟ يعني مازال الحرب حتستمر وليبيا حيستمر خشوشها في الحيط اكتر واكتر .. تجنبو مصطلح الجردان ربما هما ربي يهديهم ويتجنبو مصطلح الطحالب وعيشو ليبين زي قبل مافيش فرق
لا ففئة النادمون لن نحاربها لأننا بحاجة لها لبناء ليبيا كما كانت وأخي نحن نرحب بالنادمون الذين لم يلطخوا ايديهم بدماء وفي منهم كثير وفعلا يجب ألغاء التسميات جرذان وطحالب أذا كنا نريد بناء بلادنا

.. وانتم قادريين على هذا الشيء قادرين انكم تجمعو الصفوف وتلفو حولكم الليبين لطرد المليشيات الاخوانية والتكفيرية وساد لوم للزنتان لانها تستعين بيكم ، اي الزنتان من غيركم ضعيفة لاكن اشكروها اعطتكم الفرصة المتالية للعودة بالوجه المشرف للعودة كا ابطال مش كطرف عدو ،
الزنتان ماسكين العصا بنصف ومازالوا ينتظروا في أي جهة الغلبة حتى تميل عليها وترمي بثقلها وها هي أوقات قرارها دانة ونحن نتظر!

اغلب عناصركم من الجيش وسيعود الجيش ستعود ليبيا ولاكن منبوهاش زي ايام معمر ولا نبوها زي ايام الفبراريين .. نبوها بلاد زي العالم والناس فيها قانون فوق الكل ومافيهاش ارهاب ..

أننا نريد أرجاع بلادنا وأكيد سوف تعود بعون الله

وسامحوني ع الاطالة خوتي .. ونحب نشكر القائميين على ركن الاخبار العاجلة عز العرب وجراح الوطنية لانه بصراحة كل الاخبار نستقصي فيها من هني واغلبها صحيح .
أهلا بك وكما قلنا من قبل نقلنا للأخبار هنا وخاصة أخبار الفيس لانأكدها بل ننقل مايجري ونوضح ماهوموجود في أرض الواقع

تحياتي .
هذا موضوع شارك به احد الاعضاء الجدد ويسمى مواطن يطرح فيه رايه، تم نقله من منتدى الاخبار الى منتدى الحوار والنقاش الهاذف لغرض منقاشه .

شكراً للأخ الذي طرح رأيه ، وهو رأي قابل للنقاش ، لذلك فإنني أقول بأن معمر قد فضََََََل الشهادة على غيرها من الحلول المطروحة بعد أن فقد الأمل بفهم الليبيين المقصود من تسارع االأحداث لتدخل الناتو بقرار جائر من مجلس اللا أمن للقضاء على هذا الأسد الهائج من تصرفات الغرب وأمريكا حيال العرب المدافعين ضد الظلم والدسائس التي تحاك ضدَهم ليل نهار . والآن وبعد سقوط معمر ( الأسد المظلوم)وإنسحاب الناتو من حماية الليبيين ويقظة الليبيين للعبة وتراجعهم الذي فرضته آدميتهم حيال إخوتهم وبني وطنهم وصدق معمر القذافي في تفسيره للوفائع ، آن لأنصار القذافي أن يتراجعوا بالعودة إلى إخوتهم النادمين وإحتضان بعضهم بعضاً ويضعوا أيديهم في أيديهم لتتقوَي ضد المتعنِِتين من الجرذان الحقيقيين والتابعين للجماعات الإرهابية لمقاتلتهم وتخليص البلاد من شرهم ثم التصالح وتكريم الشهداء من الطرفين ، على أن يكرم الشهيد معمر القذافي من الجميع إحقاقا للحق ، والله الموفِِق .

موضوع للنقاش

موضوع للنقاش

رد: موضوع للنقاش

رد: موضوع للنقاش

رد: موضوع للنقاش

رد: موضوع للنقاش

رد: موضوع للنقاش

رد: موضوع للنقاش

رد: موضوع للنقاش

مشاركة برأيي