يوميات الموباركة والماجيدة

تدمير إغتيال حرق قصف تهجير ظلم خطف . وقلنا معليشي على قولتهم حتى الثورة الفرنسية قعدت 10 سنين
لكن اليونان المفلسة اللي طلعت من أزمتها المالية بفضل فلوس امباركة ومجيدة تضرب الطوار الحقيقيين اللي يقروا ويعالجوا عندها بالسوط وتطردهم بعد سكت الفلوس . هكي هلبه راهو جرحتوا شعورنا
وبعدها فرخ الأردن يأمر الجندرما متاعه ويهدوا على الطوار الحقيقيين في عمان ويشتموهم ويضربوهم ويحطوهم في كوفنوات سياراتهم . هكي طعنتونا في شرعية امباركة ودرتولنا حساسية .
وبعدها يكملها كاميرون ويأمر فروخه بإهانة راية الاستكلال واهانة الملك الصالح وانزالها بشكل مهين ومزري في القاعدة البريطانية اللي طلعت منها طيور الابابيل لحمايتنا . وتطرد الطوار الحقيقيين اللي كانوا يعطوا في الاحداثيات لفروخ كاميرون ويعصدولهم في البازين في الجبهات على خاطر اغتصاب عادي مافيها شي ماهو حتى الكتايب اغتصبوا 8000 وبعدين هذا مش اغتصاب راهو طوارنا اللي مايفوتوا في صلاة ولا ركعة ولاتكبير يطبقوا في جهاد النكاح . هكي رعشتونا ياحبيبتي . ودرتولنا أنهيار عصبي . ماتوقعناها منك ياكاميرون . نسيت امس نهتفولك في بنغازي وطرابلس . نسيت منين نصوروا معاك . نسيت الماء والملح . نسيت النفط اللي عطيناه ليك بدون عدادات .
من الاخير امباركة وماجيدة مجروحة . والخير الجاي مش حاسبينكم فيه . حتى ليفي اللي بدا ولدنا ومنا وفينا وياما وكلناه من يديات نساوينا . فاتنا ومشى لتونس واجتمع مع اشباه الطوار .
والباقي اللي يفتش في طوارنا بالكلاب في المطارات . وياريت حتى كلاب الولف مدايرين كلاب الروابش متع الشوارع هما اللي يفتشوا في طوارنا . واللي زعميته متحشم فرض تأشيرة وتقدم فيها تقعد شهور ماتحصلها . وحتى تونس بالفلوس ومصر بالتأشيرة . باهي وين يمشوا طوارنا . توة معقوله هكي بعد جبنا الحرية ورائحتها طالعة من كل أبراج القمامة في شوارع طرابلس وبنغازي . وجبنا الديمقراطية وبدليل احنا الوحيدين في العالم اللي عندنا هلبه حكومات وهلبه برلمانات وخلي الجيوش مانحكيلك أكثر من أساطيل امريكا . معقولة هذا جزائنا . ليش تكرهونا . زعما كلام الطاغية طلع صح . وضحكتوا علينا . لالا عادي عادي الهيبة من ربك . يعز من يشاء ويذل من يشاء
هادي اخرتها ... الفـــــــــــارس

يوميات الموباركة والماجيدة 10306751_927713120589708_7184150656220305352_n