عليهم مش علينا

اللي يرفع صورة القائد معمر القذافي وكان من أنصاره . قالوا عليه كافر ومن العبيد .. باهي يامتحررين شن نقولوا على اللي داس صورة الملك أدريس في دولاب جداه من 42 عام . ويشوفله ويدعيله كل يوم أول مايصحى وقبل ما يرقد . وتوة رافعها في شارعه وسيارته ومكتبه وحتى في دار نومه . و24 ساعه ماعنده الا قال الملك الصالح عمل الملك الصالح رغم انه لم يحضره ولم يعرف عنه شيئا .
اللي يقول معمر وبس . قالوا عليه هذا حرام وشرك وكفر . باهي يامسلمين شن نقولوا على اللي من 42 عام وقاعد لعند اليوم يحلف ومايحنث بيه ( وحق سيدي ادريس ) .
اللي يقول مؤيد للنظام الجماهيري ورافع رايتها الخضراء . قالوا عليه رجعى ومتخلف وعايش في الماضي . باهي يامتحضرين شن نقولوا على اللي يحكي على ملكية عام 1952 ورافع رايتها السنوسية وراية برقة الفيدرالية .
اللي يتكلم على القائد معمر القذافي . يقولوله أسكت هذا مقبور . باهي ياللي مش مقبورين شن زعما الملك أدريس اللي حاضنين صورته حرقتوه زي الهندوس . والا محنطينه مومياء زي الفراعنة . والا يطير زي الملائكة ومع الأبابيل .
...
منطق اللامنطق . وعقدة الأنا . وأمراض الحقد والكره والغل . وتفاهة الحجج . وتجريم وتكفير الإختلاف . والمشكلة كل هذا يرتكب بإسم نسيم الحرية التي مارأينا منها إلا حرية القتل والدمار . وعصر الديمقراطية التي مارأينا منها الا قوانين العزل والإقصاء والنفي والسجون . وإقامة الشريعة التي مارأينا منها الا قطع الرؤوس والتنكيل بالجثت وممارسة الرذيلة ... الفــــــــــــارس

هذا الكلام الرائع الذي يدمغ عقول المرتجفين واشباه المثقفين والسياسيين من آل فبراير الملاعين