سرتاوي يعبر عن الحقيقة وصفحة فيسبوكية تنشر رسالته الخاصة من اليها

الي يقولي تفرجوا يا عرب سرت وعلاش ما تطلعوا

تي من الي سلمها سرت لهم من الاول بعد ما اعدم اغلب شبابها مش انتم يا الجرذان ال 35 الف مقاتل الي جوها ؟

من الي تركها مدينة منزوعة السلاح مش انتم وكل ما نتحركو في سنة 2012 تقولو علينا ازلام وبدأ فينا الرقع اكثر من مرة في الحي رقم 2 وفي حي الناقة وحتي لما عرفتو قلتو ازلام

داعش من وين ؟

تي لو طلعتو 30 نفر منهم من سرت انا نصكر الصفحة كلهم من مدنكم الثائرة

تنظيم دولي دعمتوه وعطيتوه سلاح وقلتو ناس كويسين ويخافو الله وثوار فرحتو بالكبش الباطل الي عطوه لكم يوم العيد وتواا قولي وينكم يا عرب سرت

اولادنا في سجون مصراتة وبنغازي والزاوية وصبراتة وغيرها الي اليوم مزال للعلم ولا نملك اي سلاح

كتيبة الجالط منظر فقط وسلاحهم دسوه وشحموه علشان تجي داعش تلقاه واتي وتوا بالتريس معش بقدرو يديرو شيء

الفعل لما كانو مجرد انصار شريعة اما الان وقع الفاس في الراس يا خوتنا الليبيين ولا تحملوننا مسؤولية عدم تقديركم للوضع

البلاد مبيوعة

اطلقو اولادنا وعطونا سلاح فقط والله ما نخلوهم يوم في سرت وانا مسؤول عن كلامي . الي يقدر يعطينا سلاح يجي يراسلني ونستلمو منه برا سرت ونخشو لها يا نحن يا هم اما شيء اخر ما عندناش ما نديرو

لكن تقولي اطلع هل بنطلع بتل جعودة!!!