(( الشهيد سيف العرب معمر القذافي ))الذي استهدفه الناتو في منزل العائله الشريفه بمدينة طرابلس منطقة غرور
نقول للعائله تشرفتوا بالشهاده والنصر والخزي والعار للغزاه والعملاء والمجد والخلود للشهداء
القصيده
محنا وما طحنا الله يقعدنا
وحاست وشفتوا كيف صار بعدنا
هيلي طاحت
وهيا اللي بين الفراسم راحت
وهي اللي زخامت بعدما فاحت
من عارها. نظفنا الله جبدنا
وهيا اللي بين الشوامت ذاحت
اللي صاير فيها في الصميم كمدنا
امنين الصرع في ايدينا ما جاحت
طابت علي روس الطناب لهدنا
علي خطها لا خوبرت لا انزاحت
وبيها علي النهر العظيم وردنا
هيلي انباعت
وهيا الخوارج ظيعوها وظاعت
وهيا اللي فينا اللوعه اللتاعت
وطاح سعدها من يوم غاب ولدنا
عليها افام الطامعين اداعت
وما بودنا خساره يريح جهدنا
خدمنا برب وقلب وين انطاعت
درنا اللي يرفع الراس صمدنا
عطينا غوالينا ولكن ساعت
ما يبيش ربي (راد يا قايدنا)
هي سابت
وهي شيبوها ما لهموم وشابت
وهي غيبوها ع المحافل غابت
بعد عزها وبيها لفوق صعدنا
جت نازله متهشمه وتو عابت
انعاقت لها ياطول ما رودنا
روادها سيد السبيب الثابت
شهرها عطاها مجدها ومجدنا
وتو للعماله طايعه ما هابت
يقولولها قولي تقول( حمدنا)
وتو في غونه
اللي قبل هيا وناسها في جنه
بدت قبر لي هلها وداير صنه
ما نجاوبو عنها اللي ينشدنا
عليها التم النمل والبودرنه
وما جحودنا ينفع انكان جحدنا
ظاع وطنا وظياع قطعه منه
عارفينه والله ما يسعدنا
لا يهونا لا نقول نحنا هنه
لا يفرحك ما صار يا حاسدنا