كل بيت وكل عائله في ليبيا فقدت عزيز لذلك عندما تتلامح ليبي او تلتقي معه عليك ان تعزيه او يعزيك لانه مثلك له من ودع من اهاه وهو نفس حالتك في دوامه يطلب الله المعين ان يخرجه منها ويهدي العباد ويهني البلاد
وهانا من جانبي نقول لكل ليبي عظم الله اجرك في فقدت وطنك ويعوظك خير في احبابك وكلنا انصبنا بهذا المصاب
وحسبي الله ونعم الوكيل في من كان السبب
والمجد والخلود للشهداء و الخزي والعار للعملاء
مافيه بيت ولا عليه غمامه
الطار في الصقيفه والخيم قدامه
اللي ماو ميت باته
ياخوه يا عمه الموت خذاته
اللي ما مشاء للموت هيلي جاته
لبلاد لي هلها بدت خرامه
واللي قعد مالموت عاف حياته
في وطن يعقد كل يوم ظلامه
بيلوم عزرائيل خيره. فاته
يدور في عقاب الدار غير جهامه
واللي وعي من صدمته ونجاته
ندم غير ما نفعت اعماه ندامه
اللي ماو ميت خاله
رايح بروحه مقزنين اعياله
اللي ما نسجن موعاق في شياله
واللي جلاء نعم تقول نعامه
خير وطنا خالي وعاف ارجاله
اللي قبل كانوله اصحاب فخامه
والا عليهم ظمهم في شواله
تعضدلهم كاره وسافي اكمامه
حشرهم ضنا لجواد حاله بحاله
دفنهم احياء ع القبر حط ارخامه
اللي ما ارتزاء في اولاده
رزقه انقطع والهم زاد ازياده
بدو يندبوا اللي قبل كانو ساده
والوطن تابع بعد كان زعامه
والثار بينا سابق العار تماده
والغدر والنفاق هو الشهامه
اناس لوفياء متعرضه ليباده
والمجرمين تحصنوا بي اوباما
واللي عليه اللوم طاح جواده
لا قال ديره لا حكم في اللجامه