طرابلس اليوم

حي الاندلس
انتشار لي مجموعة ملثميين من مركز حي الاندلس حتى قاعة الشعب واعتقال عدد من الشباب وذلك بانزالهم من سيارتهم ووضعهم في سيارات للملثمين متوقفة على جانب الطريق دون ماعرفة السبب او ما القصة لهذه الاعتقالات العشوائية وكان ذلك ظهرا
****
جنزور
انتشار بوابات وحركة غربية فيها قبل المغرب على الطريق الساحلي
****
الموت ولاخيانة الوطن اكون شاكرة لو تكلمت بشوية الدنيا ليل من غير عياط

من طرف زائر الأربعاء 26 أغسطس - 21:47

هههه خيرك عليا ،بكل انا مظلوم لين فات فيا...المهم عشان ماتسمعوا من حد الاخبار لان جنزور لحمها حلو ودائما نازلين فيها......

هدا ياسيدي انتشار لكتيبة الفرسان والقوة المتحركه ع طول الطريق الساحلي من سيمافروا كلية المعلمات سابقا الى كوبري 17

دبابات الهاوزر"غنائم سوق الاحد لقالوا فاسدات وعاطلات" ومدافع 106 واالميم ط

ومنها تم اغلاق الطريق الساحلي تحت الكوبري خوفا ع الناس ومنها تم فتحه واغلاق الساخلي وارجاع الناس من سيمافروا النسيح والسيمافروا الثاني.....

الاوباش الانجاس المجرمين السفاحين اولاد الحرام لمتمركزين في صياد بجنزور ع طول الطريق الساحلي واللي ضاق الناس منهم من سطوا وخطف ولم يتركوا لا سيارة اسعاف ولا طحلوب ولا جرد ولا كبير ولا صغير ولو تم ايقافك ولم تتوقف يتم الرماية عليك وياما ناس راحت في هالثلاثه اشهر وطبعا الاعلام متكتم وانا واحد من المتكتمين ع حالات الخطف للابرياء مقابل المال و....اخ واكثر من 250حالة خطف في شهرين الى امس بس. وهدا غير الاستفزاز واطلاق القوادف في الهواء فوق وسط حنزور ووو ولكن جنزور قعدين صابرين ويكدبوا ع بعض بحجة غير محسوبين ع حيش القبلئل وورشفانه ولم يتم خطف ولا واحد مقابلهم...ولكن طفح الكيل لان اليوم خرجوا للطريق الساحلي ورموا على احمد جليطه جنزوري يسكن غرب محطة الكهرباء والرملية ع السيار لماتبي توقف ومنها امرأه مخمره عندها كامري رماديه وقفت تحت الكوبري ونزلت تبكي"وهدا كان الظهر"وطبعا كالعاده تم الدخول لصياد بخمسه سيارات وتم الدعس على خمسه منهم وثلاثه جرحى وطبعا العشيه استخدمت جنزور المدافع والدبابات وكان الهدف اجتياح صياد والمناظق المحيطه ولكن خوف ع الناس لان الجرابيع هربوا وتركوا صياد،خسائر جنزور 2جرحى اصابات بسيطه وقتيل من عائلة الساقاطي جنزوري من سكان صياد تم طرده لانه جنزوري من لما دخلوا صياد الجرابيع وتوا لما سمع بدخول صياد توجه للرجوع لارضه والدفاع ع شرفه"هكي تقولوا لما الواحد بريئ ويتم طرده ولا لا،وللعلم هو شرطي.نقطه

درهوا لنا كبدنا وصبرنا عليهم هلبه وع اساس الشرطه العسكريه بيقتحموا صياد وووو ولكن زياط...

للعلم لفي صياد والجرابيع ع طول الساحلي مخلطين من جميع المناطق والقبائل وطبعا ماهم بشرفاء وابداء باللي ماتوا حسب المعلومه انهم من غوط الشعال

من طرف زائر الأربعاء 26 أغسطس - 21:56

جراح نكتب بنقال وصاير ماكله في الحروف ... تعرفوا لفي صياد جنزور تنازلوا معاهم لابعد الحدود ولكن هم يعتقدوا ان جنزور خايفين ومايحسابوا انه والله الى حد الان لم يرتقوا لمرحلة البشر عند جنزور. الناس فدت منهم وحتى ليبي جيش القبائل توا رجع عااااااار

وللعلم جنزور عندها القدره ولكن حاجتين مانعينها ..

انها الحاجه المليحه فيهم لو اعطوك الامان او اتفقوا معاك او وعدوك ف والله لن ينقدووا عهد

النقطه الام الزاويه وجماعة وادي وغيرهم يبوا جنزور تفتح جبهة بس ويبوا يقتحموا ورشفانه وقعدين صابرين ومتحملين ضريبة ضرب يدنا ع صدورنا معاهم،رمزي اللفع داروله جواز واموره فل مع جنزور والباقي كلهم تمام الا هالشريط الساحلي...والله ياجماعه عاااار بكل وللصبر حدود...

حاليا الساحلي مغلق بسيارات الدوريات والطريق مرعبه واي واحد بيتوجه من والى المنظقه الغربيه مايجي لانه حيموت وحتى نسبة النجاه صفر وحاولي كيف تنبهي يا اختي جراح"المنظقه والخط الساحلي انتشار قناصه ودبابات ومشاة وعمليات مباغته متوقعه

من طرف زائر الأربعاء 26 أغسطس - 22:00

طبعا انا كيف اي مواطن نكره ونحب ونحيز ولمن لما نكتب خبر او معلومه والله بحياد ومصداقيه ولو نبي نكتب بس المخطوفين والعار لصاير كفيل بكل شي .وبالليبي لموجود في الواقع وع الارض مكتوب وبالتفصيل

من طرف زائر الأربعاء 26 أغسطس - 22:03

ايح علينا من الكيبورد .....انا كيف اي مواطن نحب ونكره ونتحيز ولكن عند كتابة الخبر

المهم ديري تتبيه ع الطريق لان الشعب بكل ..دبابات وبلي وظلام وقاعد يقول نبي نفوت نسكن في المنظقه الغربيه

شكرا لانك دخلت بهدواء وبشبشبك مش حفيان هههه
وتوا نستدعوا ابو الحروف باش نفهم شنوا كتبت لحظة لتصحيح ولي عودة مرة ثانية شكرا على الدخول والتنبيه

ان شاء الله خير و خلاص .. راح فيها هالشعب المسكين، خلاااص فدينا من هالظلم و حسبنا الله و نعم الوكيل

الموت ولا خيانة الوطن كتب:ايح علينا من الكيبورد .....انا كيف اي مواطن نحب ونكره ونتحيز ولكن عند كتابة الخبر

المهم ديري تتبيه ع الطريق لان الشعب بكل ..دبابات وبلي وظلام وقاعد يقول نبي نفوت نسكن في المنظقه الغربيه

من غير عياط تم تصحيح الحروف

www.zangetna.com/t87730-topic#626684