السيسي: حجم المؤامرة كبير على مصر

من طرف الشابي السبت 4 يونيو - 20:06

قال الرئيس المصري عبد الفتاح السيسي، إن هدفه الأول، الحفاظ على الدولة المصرية من مخططات إسقاطها.
وأضاف "السيسي" فى حوار شامل مع الإعلامى أسامة كمال، المذاع على عدة قنوات مصرية، بمناسبة مرور عامين على حكمه، «قبل الترشح للرئاسة، كان كل همي عدم سقوط الدولة، وكنت شايف إن الدولة لو لم تسقط خلال الـ4 سنين بتوعي، يبقى أنا أنجزت مهمة عظيمة جداً». وأشار السيسي، إلى أنه كان هناك مخطط لإسقاط مؤسسات الدولة خلال الشهور الـ 12 الماضية.
وأوضح «الثورة اتعملت عشان نعيد بناء الدولة بمؤسسات جيدة، طيب دا تم، ليه محاولة استهداف مؤسسات الدولة، عشان نعيد العجلة تاني؟، المصريين فهموا الحكاية دي، والمؤسسات فاهمة». وتطرق السيسي إلى ترشحه للرئاسة بعد «30 يونيو»، قائلاً إنه لم يتردد لحظة في الترشح، لكن كانت هناك ترتيبات لابد من اتخاذها «عشان الأمور تكون منظمة».
وحول مصطلح «أهل الشر»، قال إن هذا التعبير موجه إلى كل ما يسعى للإساءة إلى مصر، شعبا ودولة، ومحاولة عرقلة مسيرة مصر، مضيفًا: «عايز الوصف ده يكون حاضر عندهم، إنهم أهل شر، والمصريين عارفينهم كويس أوي جوة وبرة».
وأوضح أن حجم المؤامرة كبير على مصر، لكن طالما الشعب المصري متماسك، فلا داعي للقلق، متابعا: «مفيش حد يقدر يغلب شعب، إحنا لسه متماسكين، وكل ما الوعي بيزيد، كل ما التماسك بيزيد».