خبر عاجل وهام جدا جدا

خوي محمد للاسف لم استطع الرد علي الرسالة لعدم وجود مشاركات كافية انا معك في نفس الخندق ايضا وكدالك انا اعارض العمالة والخيانة واعارض تسليم ليبيا للغرب خوفا منهم او للجردان وقفا لنزف الدماء لكن تبي الحق اني ايسخف فيا الجيش الي يموت والله العظيم ايقطعلي في قلبي والي واجعني بعد هدي التضحية والتعب تمشي الامور مش كيف ماتوقوها ودم الشهداء يمشي هباء يارب اجمعنا تحت ظل الاسلام واسقط العمالاء والخونة يارب العالمين وانظر في هدا الشعب الطيب المسلم يارب

هؤلاء الجيش يقدمون حياتهم من اجلك يا اختي ومن اجلي انا ومن اجل ليبيا وهلها
الواجب ان نرد لهم الواجب وليس الجميل

لامزايدة علي كلامك ربي يحفظهم ويخليهم

الله اكبر الله اكبرالله اكبر,اللهم نصرك الذي وعدت,عاش سيد السبيب وليخسى الانذال ,اللهم احفظ ليبيا ورجالها الاشاوس يالله لاتشمت بنا الانذال .

محارب الصحراء كتب:والله انا على يقين تام بانا منتصرين,والله معنا وماينسانا
viva libya

يارب

حياتي عزتي كتب:ياخوتي اني معاش افهمت شئ قالو باب العزيزية صورة مفبركة اطلع معمر لما اتكلم في الاداعة قال دخول الجردان الي باب العزيزية تكتيكيا ادا هما دخلو فعلا ومش فبركة اني مش مقتنعة في خيانة هلبا وكبيرة حتي من الجيش 2 اني اطلعت من طرابلس اول امس عن طريق الدهيبة لاني من سكان الجبل اساسا المهم ان ارتال كانت نازلة هداكة اليوم لي طرابلس والسيل بدي جرار هلبا والمدن الي اتحررت علي شوفت اني بعيني والله ماهم راجعين عن رايهم لين ايبيدو وباش ايبيدو سكان كل هالمناطق المحررة نبو جيش في مئة الف علي الاقل وبدت المعركة يائسة واني والله يئست واني لا اقول الا لاحول ولا قوة الا بالله ويااااااارب ياسميع انصر المظلومين علي الظالمين يارب انصر الحق

أولا، القائد قال انه هو انسحب انسحاب تكتيكي لأن الناتو قصف باب العزيزية ب64 صاروخ، مش لأن الجرذان خشوها...تي هم حتى زريبه (حاشاكم) ما يقدرو يخشوها!!!

ثانيا، نعرفو أن الجرذان بس يستخدمو في مصطلح المناطق المحررة.

ثالثا، إسوتنا في رسول الله صلى الله عليه و سلم لما واجه الكفار الأكثر عددا و عدة و خبره في الحرب. يعني: كم من فئة قليلة هزمت فئة كبيرة...و بإذن الله الواحد الأحد، النصر سيكون إلى جانينا لأننا على حق و لأننا مظلومون

رابعا، اليأس من عمل الشيطان، لأن المسلم لا ييأس من رحمة الله. فالعني الشيطان، و سكري قنوات الجرذان اللي تأثرتي بيها لدرجة أنك قعدتي لا إراديا تعاودي في مصطلحاتهم. بري شدي قرآن و اقريه و تمعني في معانيه و توا تلقي أن كلام ربي عز و جل كله ينطبق على ليبيا...و ساعتها تو تتأكدي أن النصر باذن الله سيكون من نصيبنا، مهما بدت همجية الجرذان و ناتوهم.

حياتي عزتي كتب:

محمد ابوبكر علي كتب:

حياتي عزتي كتب:ياخوتي اني معاش افهمت شئ قالو باب العزيزية صورة مفبركة اطلع معمر لما اتكلم في الاداعة قال دخول الجردان الي باب العزيزية تكتيكيا ادا هما دخلو فعلا ومش فبركة اني مش مقتنعة في خيانة هلبا وكبيرة حتي من الجيش 2 اني اطلعت من طرابلس اول امس عن طريق الدهيبة لاني من سكان الجبل اساسا المهم ان ارتال كانت نازلة هداكة اليوم لي طرابلس والسيل بدي جرار هلبا والمدن الي اتحررت علي شوفت اني بعيني والله ماهم راجعين عن رايهم لين ايبيدو وباش ايبيدو سكان كل هالمناطق المحررة نبو جيش في مئة الف علي الاقل وبدت المعركة يائسة واني والله يئست واني لا اقول الا لاحول ولا قوة الا بالله ويااااااارب ياسميع انصر المظلومين علي الظالمين يارب انصر الحق

شن قصدك بكلمة المناطق المحررة؟؟؟ شني كانت محتلة هي قبل وله شنو قصدك؟؟؟
هذا كلام فاضي
الله سبحانه وتعالى قال: فلا تخشوهم و اخشوني ولأتم نعمتي عليكم ولعلكم تهتدون
صدق الله العظيم

وإذا انت مقتنعل بأن ايبادتهم مستحيله خلاص خليهم يبيدونا نحن وتنتهي القصة

مش قصدي هدا اولا تانيا شئ خيرك وكانك اتحاسب فيا علي كلمتي تالت شئ اني اتعلمت حرية الرأي والتعبير في ليبيا واني حرة في اختيار اي لفظ مدامه لايتنافي مع الاداب العامة

رابعا لا نبيدوهم ولا يبيدونا اني في طرابلس وباقي عيلتي كلها جاية من الزاوية ومن الجبل معقولة خوي المؤيد بيطلع ايحاربهم هادي صعبة الحق وما قدرهاش الله غالب اني الي قولته احرام زيادة دفق الدم في غوطا الباطل ان كان بشائر النصر لا تلوح في سماء ليبيا علي الاقل في الايام هادي واستنادا علي كل المعطيات
التي اسمعها انا شخصيا من داخل بيوت طرابلس زاوية الدهماني وبن عاشور وسوق الجمعة والفرناج وزناتة هادو الي عندي فيهم اقارب كل الكلام يقول بأن اغلب الجيش سلم اسلاحه وقعد في حوشة وان المناطق لي قبل تلاتة سعات من الان مفتوح فيها اناشيدهم التي يدعونها بالوطنية بمكبرات الصوت واحتفالات ولا كأن شئ لم يكن رغم استمرار المعارك والمقاومة من جيشنا في بعض المناطق سقوط باب العزيزية في يدهم حتي ساعة ماهو الا مهزلة التاريخ من الجيش هدا البيت امس كان فيه سيف الاسلام كيف تكون هكدا مقاومته وقول ان كل هدا تكتيكيا شئ مضحك للغاية فعندا وصل الجردان بئر الغنم سمعت كلمة تكتيكيا تم خسر الجيش مئة روح واسر اكتر من 200 جندي وتقدمو نحو الزاوية وبعد السيطرة علي الزاوية سمعت كلمة تكتيكيا كيف تكون الهزيمة وسقوط كل المناطق التي تؤدي الا رأس اجدير المتنفس الوحيد لكل سقاط طرابلس والحكومة الليبية تحديدا شيئا تكتيكيا هدا الواقع يقول يا اخي ابو بكر ولن تتحرر طرابلس من الجردان ادا كان كل مقاوم حقيقي لازال يكتب فقط مايجوب في خاطره داخل الشبكة العنكبوتية انا اقول اني يأست من النصر ليس قولا استعباطيا ولكن كل المعطيات كانت تؤدي الي هده الكلمة والسلام ختام والله ينصر المظلوم

أولا، الارض ما تعرف واحد ضد 10، و لو خوك بيسكت عن اغتصاب جارته لأنه خايف على حياته،بلاش منها الحياة اللي تخلي واحد مواطي راسه للذل. مع العلم أنك مش الوحيدة اللي خوها متطوع في الحرب رغم قصف الناتو، لكن اللي الاسد الميت يقعد ديما أسد، و هو حتما خير من الكلب الحي.

ثانيا، واضح انك تسمعي في القنوات المغرضه، و أخبارك تجيبي فيها من الجرذان اللي في طرابلس..و هل انتي متوقعه ان الجرذان في طرابلس حيقولولك أن الجيش قاعد و ان فيه من يقاوم فيهم و ان فيه سكان في مناطقهم رافعين الرايات الخضراء؟ مش حيقولولك الا أن الشعب الليبي كله فرحان، فبلاش تسمعي كلام الجرذان اللي ما بطلوش كذب مدة 6 شهور لين انكتبو عند ربي كذابين.

ثالثا، الجرذان ما خشوش ابدا لباب العزيزية..و الا قوليلي ليه الناتو يقصف باب العزيزيه طالما ان الجرذان خشوبه و استولو عليه؟ والله واجعيني إلا شاكير و حمزة و كل الاعلاميين اللي عاودو أكثر من مره ان فيه مجسمات لباب العزيزيه و الساحة الخضرا و غيرهم. و الا انتي ما تتفرجيش على الافلام؟ حاولي تطلعي على فن صناعة أفلام هوليوم و اعرفي شن اللي صاير.

رابعا، وقفي متابعة السموم و اسر 200 جندي و الانسحاب التكتيكي و هلم جرا. و ما تنسيش ان الجرذان عمرهم ما شكلو اي تهديد، و ان الناتو هو اللي يقصف و يدمر و يرتكب في المجازر...اما الجرذان، يستعرضو في عضلاتهم على النعاج. والله لما يلقو عيل شاد سلاح يهربو منه، لدرجة أن سيادهم ساسة دول الغرب يضحكو عليهم. فياريت معاش تعطيهم قيمة هم ما يملكوها.

أخيرا، الياس من عمل الشيطان...و حاولي تتذكري ربي بالصلاة و قراءة القرآن و السير النبويه و فوز الرسول على الكفار و فوز المسلمين على امبراطوريتي الفرس و الروم...بالك وقتها تتعدل الرؤيا عندك.

و ما تاخذيش كلامي على محمل شخصي، لكن في الحرب ما فيش وقت لليأس و الانبهار بقوة العدو. في الحرب، الانسان يحسب قوة خصمه و نقاط ضعفه، و يخطط بش يواجه القوة بنقاط الضعف، و هذا اللي داره الجيش الليبي اللي انتي هازيه عليه مدة 7 شهور. و لو الجيش الليبي ضعيف، كانت البلاد اتاخذت من زمان. و الحرب كر و فر، و الجيش الليبي يواجه في قوة عظمى بايمانه بالله و صبره، و حينتصر في النهاية، فأرجو عدم الاستخفاف بالجيش، و ارجو عدم الياس