حوار بيني وبين عنزي

حوار بيني وبين عنزي

ياعنيزتي راك حشمتيني . كل منتحرك نلقاك تبعتيني
نلقاك تمشي ورايا . تهزي فذيلك ناصبه الصكايه
حتى العزومه مع الناس حارمتيني
العيب ماهو فيك . العيب فيا وفي دلالي ليك
لومن الاول ف الحبل راميك
راك ساكته ومحال ازعجتيني
ردت العنز عليا
ماهو محبه فيا . غير الكساد والهم جابك ليا
كان السروح كل يوم وقت عشيه . ماهو جميل منك ياغاليا
ترى قولي بالله رد عليا . مش تقولي ياعنيزتي راك ونستيني
والا انقولك شن كنت تحكي ليا .كم من قصص احكيتها وهميه
والا دخانك اللي بيه تخنق فيا . سبسي وراء سبسي حتى العكشه حيه
ومنين تشوف حد تلصق ليا تقولي بوصبع خايف ينشوا فيا
بالله يا عنيزتي غطيني

فوزي ... ياعنيزتي بالله لا تنغري . كفاك كذب م الصبح وانتي تهري
العنز .. لا ماكذبت عليك .اصغارك وضنا عمك شاهدين عليك
فوزي ..وانتي انسيتي كم صرفت عليك . كسبه على خرطان جايب ليك
وياما تمر كل يوم نعطي فيك . حتى الفلوس كملت وفلستيني
العنز .. ماني سبب افلاسك . هذي نكبتك فصت عليك معاشك
وحق راسي وراسك
انا احساسي ماهوش كيف احساسك . لو مانزعت الخرقه هلي معلقه فوق راسك
نهج منك ولا تقول ياعنيزتي ليش سيبتيني
من يوم جت نكبتهم
ما نوم ضقته خايفه سرقتهم .. كيف يومها لو رقدت والعين ماشافتهم
تلقى الحبل محذوف وماتلاقيني
بالله بيعني وريحني .. كرهت العيشه في بلادكم سامحني
فوزي .. فكيني واخزي الشيطان . وانسيلي كلمة بيعان
وانسي ياعنيزتي اللي كان . قريب يرجع انشاءالله الامان
ويبدء ماضي انقولوا زمان .. كان وكان .. كانوا خونه فلان وفلان
--------
هبوب الريح العجيلي