النجع اللى ديما نزال --- قدى وين تكنز الوحوش

النجع اللى ديما نزال --- قدى وين تكنز الوحوش .
عرب كسابه لام ابهال --- ادير كلايل وين تحوش .
عرب بيهم تضرب الامتال --- الهم صيلة ما يختلفوش .
عرب فى متل اولاد هلال --- عرب فى الميرى مايدووش .
عرب طارى تو ومازال --- عرب عا لمبدى ما حادوش .
عرب ديما فى الروز اتقال --- اللى قاسوهم ما قدروش .
عرب ما فيهم راح سوال --- عوادى كيف اعظام الهوش .
عرب ناجيهم ما ينطال --- عرب بيهم ما يدهموش .
عرب تدفع فى روؤس ارجال --- عرب عالنار اتخش اخشوش .
عرب تنقل ديما رحال --- عرب تكسب فى ام درا طوش .
عرب وكاله للى سال --- عفى نواره داير بوش .
عرب فى القصده ماهم افسال ---عرب همه ما يندموش .
عرب فيهم صادق من قال --- عليهم نحكى بالمفروش .
عرب شيخ ايحل فى الاشكال --- لتعليماته ما يخطوش .
الشوخه قايمها باافعال --- بوع وبالموجود بشوش .
مقحقح عنده وسعة بال --- لتعليماته مايخطوش .
عرب من صيفة عال العال ---اجنين صواب
الـــــــــــــــــهم ما بين النــــــــــــــاس أحساب ..
للشاعر دكام علي المقرحي

من طرف teto الجمعة 25 نوفمبر - 22:13

بارك الله فى الشاعر و فيك اختى على هذا الشعر المعبر بس لو سمحتيلى مفهمتش بيت من هل الابيات وهو

؟؟؟؟ --- عرب تكسب فى ام درا طوش

teto كتب:بارك الله فى الشاعر و فيك اختى على هذا الشعر المعبر بس لو سمحتيلى مفهمتش بيت من هل الابيات وهو

؟؟؟؟ --- عرب تكسب فى ام درا طوش

اخي بصراحه انا نعرف انه اما الابل او الخيل والله اعلم

teto كتب:بارك الله فى الشاعر و فيك اختى على هذا الشعر المعبر بس لو سمحتيلى مفهمتش بيت من هل الابيات وهو

؟؟؟؟ --- عرب تكسب فى ام درا طوش

المقصود هـو الأبل وعلى وجه التحديد الناقة من الأبل

من طرف ???? السبت 26 نوفمبر - 14:28

عرب تدفع فى روؤس ارجال --- عرب عالنار اتخش اخشوش

لازم نفعل هذا البيت من الشعر ونخش في الجرذان خشة وحدة تخليهم من الصدمة ميعرفوش شو يسووا ووين ينحاشو لانه رح نحش روسهم حش

عرب طارى تو ومازال --- عرب عا لمبدى ما حادوش .

حصيت يا صاحب هذه الابيات ... جعلها اللة في ميزان حسناتك

عرب طارى تو ومازال --- عرب عا لمبدى ما حادوش .
عرب ديما فى الروز اتقال --- اللى قاسوهم ما قدروش .

ما أروع ذكر وطاري الشرفاء

مجد وفخر يالرصيفة ياخوت الجد