الصاحب اللى تلقاه وقت الكربه........

الصديق الصدوق هو من يحس بكل الامك دون ان تتكلم وهو من يساندك في احزانك ويساهم في اسعادك
ولكن للاسف في هذا الزمن قل عدد الاصدقاء الصادقين ونكاد نتمنى ان نكون فوق القمر لنبتعد عن افعال البشر
لكم مني التحيه اولا وهذه القصيد تانيا واتمنى ان تعجبكم

الصاحب اللى تلقاه وقت الكربه
هذاك هو اللى صاحب صحيح اديره

نقي معدنه صادق وواضح دربه
في شانك ايضحي كل شي ايديره

صاحب عزيز ووفاهقك ويسمربه
ويحتار وين ينظر صاحبه في حيره

حتى فى المحاضر تذكره تفخربه
وما يهم من يبقى والا أي عشيره

المهم صاحب في الكدر والطربه
الصاحب آن صار الكسر هو اجبربه

ورفيقة الجربه شي واكد جربه
و..... كل حد يمشي حسب تفكيره

والذيل يتعب في دناه وقربه
وعدو الجد ما تراجى خيره

والاصحاب بفرقو انواع كيف التربه
فيها اللى رمله وفى اللى سريره

صاحب تجوب بيه وتغامربه
تطامن بصير والضروف عسيره

وصاحب آن صار السوء تصدربه
يجلى دراه الكبد وتكديره

وصاحب يكون شراع لك تبحربه
لشط النجاه يوصلك تدبيره

وصاحب الا صار العلل تحضربه
يجب الكلام ويفهمه تفسيره

وصاحب اخرى تلقاه كيف الحربه
معاك وعليك ويقول فيها خيره

وصاحب على وكله يجيك وشربه
ووقات عازتك يبقى للخطاه قصيره

وصاحب آن حازاتك معاه الغربه
يبعك آن كان هو فيك حصل ليره

وان ريت صاحبك هان الشرف تجربه
راهي اتنهى بكل ومات ضميره

وبالعيب والدناوه صاحبه كابربه
رديدا مايكساب ذرة غيره

وفى وقتنا الصاحب اللى تكبربه
حافظ عليه اصحاك من توديره

دليل ديما في الحياه تخبربه
بغيبته تضيق الواسعه الكبيره

عنده احساس يشعربه اللى تشعربه
سواء الضحك والا ساعة التكشيره

والصاحب الصادق هو اللى خاطربه
نبينا رسول الله سمح السيره

للغار رافقه غفلة عداه حدربه
وصارت هذيك المعجزه الشهيره

وصبر لين الاسلام الرسول جهربه
خذاه وعد في الجنه يكون مصيره

وخير الختام الذكر نستغفربه
ونصلى على الهادي صلاة كثيره

اللي من عذاب النار نستجربه
شفيع أمه في يوم شين سريره

الشاعر بوبكر ربح

الشعر بوبكر ربح ولا رابح

من طرف green girl الخميس 29 ديسمبر - 4:04

الصداقه عمله نادره وشحيحه في زماننا هدا وكل ما لاحظت تقاربا بين اشخاص للاسف المح او اشتم رائحه مصلحه بينهم وتنتهي هده الصداقه بمجرد انتهاء المصلحه بينهم وكلن هدا لا ينفي وجود الصداقه الحقيقيه وان ندرت ........ ====================================== Flag

سرت التي تتوسط ليبيا الحبيبه وخير الامور اوسطها Flag

عقورية حرة كتب:الشعر بوبكر ربح ولا رابح

ابوبكر ربح مش رابح هكي لقيت الاسم

green girl كتب:الصداقه عمله نادره وشحيحه في زماننا هدا وكل ما لاحظت تقاربا بين اشخاص للاسف المح او اشتم رائحه مصلحه بينهم وتنتهي هده الصداقه بمجرد انتهاء المصلحه بينهم وكلن هدا لا ينفي وجود الصداقه الحقيقيه وان ندرت ........ ====================================== سرت التي تتوسط ليبيا الحبيبه وخير الامور اوسطها

فعلا بالرغم من شحها موجوده ولكن الا تتعبين احيانا من كثرة البحث عن صديق يستطيع فهمك؟في وقت انك عندما تبحثين عند صديق يحسك ويفهمك تواجهين مائة شخص يدعي الصداقه ويجعلك تقفين في منتصف الطريق وتشعري انه لاوجود لصديق يفهمك

مشاركه رائعة!! هههههه قالك نمشي القمر تحسبا بالبلاش...تو دامك فلوس وورق مغير خليك على الارض,وكلهم اصحابك Very Happy

تقلبي مروري,وقصيدة مميزة للشاعر ابوبكر رابح المغربي.سلام

محارب الصحراء كتب:مشاركه رائعة!! هههههه قالك نمشي القمر تحسبا بالبلاش...تو دامك فلوس وورق مغير خليك على الارض,وكلهم اصحابك تقلبي مروري,وقصيدة مميزة للشاعر ابوبكر رابح المغربي.سلام

ههههههههههههه ياودي عطينا نطلعو من حدا وجوه النكد لين ترجع الوجوه السمحه وندفعو اللي يجي

ولا خير في خل يخون خليله...
ويلقاه من بعد المودة بالجفا

قصيدة جميله
ومنورة يا رصيفيه بارك فيك

اللهم صلي وسلم على رسولنا الأمين وعلى اله وصحبه اجمعين ,, قصيدة ذات معاني رائعه وفعلا نحن بحاجة ماسة للصديق الوفي الذي يكون معك في السراء والضراء وللأسف في هذا الزمان اصبحنا نجد الكثير من الأصدقاء الذين باعوا الأخوة والصداقة بثمن بخس ,, والصديق في هذا الوقت هو عملة نادره ,, صح لسان الشاعر ودمتي بخير بنت الرصيفه

الصاحب اللى تلقاه وقت الكربه
هذاك هو اللى صاحب صحيح اديره

نقي معدنه صادق وواضح دربه
في شانك ايضحي كل شي ايديره

حتى فى المحاضر تذكره تفخربه
وما يهم من يبقى والا أي عشيره

المهم صاحب في الكدر والطربه
الصاحب آن صار الكسر هو اجبربه

مشكورة بنيتنا الحلوة علي هالاختيار
ابيات معبرة جدا ورائعة

الصاحب للصاحب كالرقعة للثوب إن لم تكن مِثْلَهُ شَانَتْهُ

بعد ما قريت القصيده خطر عليا القائد و صحبته بالخائن عبد الفتاح ايام الاحداث انتاع القنصليه الايطاليه الاوله بكل في شخص من دون ذكر اسمه جاء للقائد وقاله انه الراجل هذا خاين فالقايد ما تحملش الكلمه هذي في صاحبه فعاقب الشخص هذا و حوله من منصبه ... و بعد بدى موضوع الشقق كان تذكروه قبل الاخداث بشويه رد نفس الشخص للقائد و حكاله علي عبد الفتاح مره اخره و برضو ما حبش يصدق كلامه لان القائد كان عند قيمه كبيرة للصاحب
فحبيت انرد عليك بالقصيده هذي

الصاحب خدعني ودار فيا الشينا ... طلبت الفزع واطى عليا عينا
قعد يسألني ... وقال صاحبي وما يشغلك يشغلني
عطاني كلام الليل به خبلني ... طلعت الشمس وذاب ماعاطينا
وما كان في حسابي أنه يخذلني ... ولمثال في الصحبة انضربت بينا
خدعني خذلني خاني ضللني ... وضيع الصحبة ف يوم ما هو لينا
ومازال عنده وجه ويقابلني ... بعد ما محي جملة اللي خطينا
احسبته اذراعي ... ومن غير ماننده ايجي فزاعي
خذاني لسانه القلب جي مداعي ... ونصبت روحي خو لوخيينا
ف لعب المشاعر ما أطاول باعي ... واللي حلف عندي صدق في إيمينا
في ريح في ظلمة فقدت اشراعي ... كلامه نكر وقتا طلبت العينا
امخادع لقيته ومستمر ف اخداعي ... سقيته العسل وم الكدر يسقين