طالبين لك يا عقل راحة بال ،،، وانريدوا الهنا للوطن يا عقّال,,,,,,,,,,

المبدع دائما الشاعر الورفلي قال:

طالبين لك يا عقل راحة بال ،،،وانريدوا الهنا للوطن يا عقّال ،،،
طالبين لك يا وطن حقن الدم ،،،والناس فيك من بعد الصغا تلتم ،،،
ويجلي بعد غيّم سحاب الهم ،،،وايجي صبح شمسه بعد ليله طال ،،،ا
للي اسلم من فتنة الدهر اسلم ،،،واللى مات مات ورجعته موحال ،،،
ومن قال وطنا بعد الزعيم أعقم ،،،أرجال هله ما اتعقب الا لرجال ،،،
ولا ايفيد فاللى صار فيه ندم ،،،والكسر يجبر والايام أطوال ،،،
ما اتقول كنا دايرين حرم ،،،لاعراض العرب وانبّيضوا فى الفال ،،،
ولا اتقول به كانن ابيوت كرم ،،،حتى وهم غلابة من ارقاق الحال ،،،
ولا لبعضنا بالدم خال وعم ،،،عمام بوى غربة وشرقنا الخوال ،،،
واليوم وين ، ما عادن اعروق حشم ،،،امغير نهدروا فيها اتقول اجمال ،،،
متراكب على عقل الجميع غشم ،،،لبلاد رايحة والفاهمين اقلال ،،،
واحساب النتيجة وطنا انهزم ،،،اخسرنا جميع وندفعوا مازال ،،

رد من احد الاخوه الشعراء على الشعر:

طالبين راحة فكر ... باك يتبدل هالجو العكر ...
وللوطن راحة ماتجي بالحكر .... يعمه الهناء يبقى فعال العال ....
واللي عليه الوطن شايل مكر.... صيورة يتحطم والايام اطوال ....
واللي سعي بالخير يلزم شكر ....واهناك من استشهد فيه دمه سال ....
وهذي حقيقة وموش لازم نكر ....يجي وقتها وتبان قولو قال .
للعقل طالب راحة ... وللوطن نبيها تعود سماحة ....
ونبقو طرابه نرقصو فالساحة .... ويبانو اللي كانو اكلاب ضوال ...
وياوطن ناشنك سنيين كلاحة .... وفيها خيانة ومرمدة وقتال ....
وطالبين مالمولي يجيب صلاحة .... ويالله مو واعر عليك سوال ....
تكفف عيون اللي بكت نضاحة ....على ناس حطوهن ارواح ومال ....
وشافن كدر واجد وهلع اجراحة ....وشافن امرار وضيم عمره طال ....
وياسرت مافي الوقت غير اتراحه .... وياسرت نلقنك فدوك ارجال ....
وهذا خبر واعر على التوكاحة .... اللي طابين بحكم لاحتلال.

صح السانك ياطيبة

من طرف green girl الإثنين 5 مارس - 0:44

واحساب النتيجة وطنا انهزم ،،،
اخسرنا جميع وندفعوا مازال ،، وان شاءالله النتيجه هي عودة الشرعيه تحت الراية الخضراء , بوركتي يا رصيفيه علي الاختيارات المتميزه ====================================== Flag

سرت التي تتوسط ليبيا الحبيبه وخير الامور اوسطها Flag