لانريد مقاوم متهور ولا مستعرض نريد مقاوم فاهم العبه ودارس عدوه

بسم الله الرحمن الرحيم


السلام عليكم ورحمة الله وبركاتة


ياخوه ياكرام عندى عدت نقال بنقولهم وبنمشى ياخود منه ياخلى هدا اخر كلام عندى

ملاحظ ان فى ناس واجد ماتسمعش فى كلام ولا ماتتقبلش فى النصائح

يعنى عارفين كويس الى يحط فى اغانى معمر وصور معمر يتم تفتيش نقاله ومع دلك يحط وينمسك ومنه ماعاد يشوف النور ؟

ليش باهى ياسيدى تبى تسمع الاغانى وتحط الصور فى نقالك مش مشكله دير مومرى خاص بيهم ولاتضيع نفسك مش وقته التهور ولا طيش نحن محتاجين لكل مقاوم وكل واحد فيكم وخساره بالصراحه تنتهوا وراء القضبان

انا مانبيش نصح ولا ندير روحى حكيم ولكن معقوله انت ياخوى الى مقاوم فى سياحة الميدان تقبل ان نخسرك ؟ بالطريقه هادى ؟

والى تلقى عنيد ومايسمع الكلام ويحط صورته بالفيس بوك ويقولك ياشرنى انا رجل ومش خايف طيب انت مش مقاوم وفى ميدان مش لم تحط صورتك بالفيس وبالمتديات وتوتير مش تفضح فى روحك وتكشف فى نفسك ليهم وهكى يسهل عليهم يطيحوا المقاومين معاك الاشراف عن طريق مرقبتهم ليك ومعرفتهم انك مقاوم ياخوانى اشياء نعتبره بسيطه ممكن تضيع جهد شهور وسنين انت سهران عليه
مانقولك كون جبان ولكن ياخوانى هم قعدوا معنا 6 سنوات يخططوا وينظموا فى صفوهم عمرك سمعت بيهم ولا شفت ليهم صوره ولا حتى تندرى كيف ومن وين طلعوا مع انهم ياكلوا ويشربوا معنا ونعرفهم ولكن انصدمنا فيهم

ميزة المقاوم راهوا ان يفجى عدوه وان يطلع له من حيث مالايدرى

لو تطلب الامر ترفع علم الخزي والعار وتندس بينهم توصل ليهم ولحضة الحسم تقلب الطوله عليهم اقلبه

لو تطلب الامر ان تحط فى دارك مكتب فى سيارتك علم الخزي والعار حطه وين مشكله بالنهايه الى فى قلب فى قلب ولحضة الصفر تو يبان من الاخضر ومن الاستقلال وتو تفرق وتتميز


ان توجه فى 42 دوله فى امريكا بجلالة قدره فى المعروفه بالنصب والمكر وامريكا الشيطانه مش مستعده تضيع جهد سنين وخطط سنين وشهور وخدمة سنه من الحرب عشان تخليك تسرح وتمرح وعارفتك ؟يعنى متوقع انه ما راح تكون جيش من المخابرات وتراقبك لو انت تشكل عليه خطر وربى تضحك ؟

الشجاعه مش انك تتحداهم وتقول ليهم طز مش خايف الشجاعه الحقيقه انك تغلبهم وانت روحك وهم قوم باطل

انك تسحقهم وانت مناظل تدمرهم وانت تخرجهم من ارضك بيتك بلادك وتشارك فى تحرير شعبك

اتركوا عنكم تصرفات الحمقاء والعنطزه الى مش وقته

كونوا حكماء ودكاء واكثر منهم دهاء فاعدوكم ماكر وخبيث والشيطان بعينه

لاتستهينوا بالجردان بالصراحه الخوف مش منهم الخوف من وراهم قاعد يربش ويخرب عليك

ونصيحه اخره ماتتكلموا عن تفصيل بالنقالات تى نص الاحرار مسكوهم من جرت اتصال هاتفى

ولم تساله ليش درت هكى يقولك مش خايف طيب انت مش خايف على نفسك خاف الى معاك مشين معاك بالطريق وعابين عليك حريص وتخاف على سلامتهم ياسيدى خاف على ليبيا لم يمسكوا مش بالتخسر مناظل حر مثلك


لاتنساء يامقاوم انك كنز فاحفظ على روحك وابتعد عن الاستهتار والاستعراض و اترك عنك العناد

وحتى كلمة طز صدقونى تحتاج الى وقت معين ينقال فيه كلامه والان ليس وقته


تحب تكره كلامى هو واقع فارض نفسه واتمنا تفكر قبل ماتتهور


وحطه بالك عدوك قعد سنين يفكر كيف يهزمك ويخطط ويصنع لك فى الفخخ عشان تطيح ويتخلص منك
عدوك قعد شهور والليالى يدرس فى تفكيرك ويتوقع تصرفاتك عدوك عارف كيف تفكر ومتوقع درت فعلك

اهزمه بالعنصر المفاجه

يعجبنى بالصراحه المقاومه المجهول الى يشتغل بالساكت لايتباه عن للناس او يهدرز عن بطولاته لى جاره الى احتمال كبير يبلغ عليه

يعجبنى المقاوم الكتوم يشتغل على نظيف مخفى ولكن افعله رهيبه

ويعجنى اكثر لو انك تكون مثله

مشكور اخى بارك الله فيك

صحيت خونا ليبيا الخضراء

كلامك صحيح مية بالمية

العبدلله كتبت موضوعا مشابها المدة الماضية عن ضرورة التمويه من طرف المقاومين حتى وأن اضطررنا ان نكونوا جرذان مظهرا وطحالب جوهراً ولحظة الصفر ننقلب.

اللعبة هك تبي

تحيه لك اخي وعلى حرصك على سلامة كل الشرفاء

جزاك الله كل خير اخي الفاضل
كل ما تفضلت به عين العقل والصواب
يجب ان نكون على قدر كبير وعالي من ضبط النفس والحكمة
يجب ان نعرف ان الخصم ليس له اخلاق ولاضمير
وعليه نحن نطلب من كل الاخوة الذين لايستطيعون مواجهة الاوغاد ولايتحملون السجن والضرب نطلب منهم لزوم الصمت والصمت لغة من لغات المقاومة
لاتدعهم يمسكون عليك اي كلمة صغيرة كانت ام كبيرة عليك بنفسك فقط هذه مساعدة كبيرة تقدمها للمقاومة ولاتتقرب ولاتتزلف لهم بأي شكل من الاشكال

وهناك أمر مهم جدا وخطير
وهو ان بعض الاخوة للأسف انضم للخونة على اساس انه ليس ضدهم وهذا خطاء , لماذا ؟؟
لئن كلما انضم لهم عدد كبير ومختلف من القابائل سيزيد المغفلين وضعاف النفوس التقرب والانضمام لهم بحجة ان الناس كلها ركبة الموجة فنركب مثل ما ركبوا ..
وهذا مضر جدا يجب ان يبتعد كل من ليس له اجندة وتكتيك وتنسيق معين ولا اريد التفصيل في هذه النقطة
ابتعد يا من تغار على ليبيا على تجمعات الخونة واقطع اي علاقة بهم حتى لو فيها شيء قليل من التضحية
نقول اقطع اي اقطع بطريقة لاتثير الانتباه عليك
ويجب على الاخوة ان لايثقوا في احد مهما كان خصوصا في امور حساسة تتعلق بالمقاومة وتحركاتها
والحذر وعدم نقل الاخبار امام الاهل والاخوات ليس شك في اهلنا واسرنا ولكن خوفا عليهم وخوفا منهم ايضا لئن النساء ليس عندهم سر مع احترامي لهم
لأنهن يتكلمن من باب العاطفة وهذا سبب للكثيرين في مواقف حرجة للغاية
وفق الله الجميع

الصقر الليبي كتب:جزاك الله كل خير اخي الفاضل
كل ما تفضلت به عين العقل والصواب
يجب ان نكون على قدر كبير وعالي من ضبط النفس والحكمة
يجب ان نعرف ان الخصم ليس له اخلاق ولاضمير
وعليه نحن نطلب من كل الاخوة الذين لايستطيعون مواجهة الاوغاد ولايتحملون السجن والضرب نطلب منهم لزوم الصمت والصمت لغة من لغات المقاومة
لاتدعهم يمسكون عليك اي كلمة صغيرة كانت ام كبيرة عليك بنفسك فقط هذه مساعدة كبيرة تقدمها للمقاومة ولاتتقرب ولاتتزلف لهم بأي شكل من الاشكال

وهناك أمر مهم جدا وخطير
وهو ان بعض الاخوة للأسف انضم للخونة على اساس انه ليس ضدهم وهذا خطاء , لماذا ؟؟
لئن كلما انضم لهم عدد كبير ومختلف من القابائل سيزيد المغفلين وضعاف النفوس التقرب والانضمام لهم بحجة ان الناس كلها ركبة الموجة فنركب مثل ما ركبوا ..
وهذا مضر جدا يجب ان يبتعد كل من ليس له اجندة وتكتيك وتنسيق معين ولا اريد التفصيل في هذه النقطة
ابتعد يا من تغار على ليبيا على تجمعات الخونة واقطع اي علاقة بهم حتى لو فيها شيء قليل من التضحية
نقول اقطع اي اقطع بطريقة لاتثير الانتباه عليك
ويجب على الاخوة ان لايثقوا في احد مهما كان خصوصا في امور حساسة تتعلق بالمقاومة وتحركاتها
والحذر وعدم نقل الاخبار امام الاهل والاخوات ليس شك في اهلنا واسرنا ولكن خوفا عليهم وخوفا منهم ايضا لئن النساء ليس عندهم سر مع احترامي لهم
لأنهن يتكلمن من باب العاطفة وهذا سبب للكثيرين في مواقف حرجة للغاية
وفق الله الجميع

مشكور ومنور على هذا الكلام يا الصقر الليبي