قصيدة لجواد

من طرف unkown soldier الأحد 6 مايو - 19:50

لجواد هم لجواد قبل وتالي .. ولجواد هم خلفة اولاد اهلال

ولجواد نزّالة الفاو الخالي .. وكسابين للطوقة و لأم ابهال

مسّاحة ادموع اللي قصدهم جالي .. ايحاموه بالتراس والخيّال

وركّابة الشلوق اللي ثمنها غالي .. وانكان لمته فاجت اتقول غزال

الجيده اللي مسع كسبها والي .. وانكان ديرت لازم اترد المال

جيده وفارسّا اتقول اهلالي .. ايرد النهيبه والدما شلال

ولجواد هل الزينة ما يديرو شنه .. صيتم تعلاّ فوق ما ينطال

ولجواد ايْتنابوا ع الفخر يزّابو .. لا فيهم بخيل اولا بهم ذلال

ولجواد ايْتندّو ع التريس ايهدو .. دون الكرامة والشرف والمال

ولجواد هل الروفه هل مقام ونوفه .. هني بال من منهم ايدير خوال

ولجواد اتندي في الرخا والشدة .. طقاقه الفواهق كان فك اخلال

ولجواد هم اريادي امرابطين وسعادي .. ابهم ف الشهامة تنضرب لمْثال

ولجواد كي ما اترود ع الربيع اتهود .. تلقى النجع في الدير العفا نزّال

ولجواد ما يتوانو ان صار ضيق ايبانو .. لجواد يفزعو للي زمانه مال

ونلقانهم ضنا لجواد جو في بالي .. يا بوسليم كان جيت اتسال

ولجواد تمتم اتبان اق بالي .. من حد البحر ويقبلو مقبال

وهاضول هم لجواد قبل وتالي .. عللهم إيْزهي جبده موّال

اخْطِي من يقول منهم خالي .. ابخيط الجبل تاثيرهم ما زال

والانذال لو وصلو لمركز عالي .. راهم على طول الزمان انذال

للشاعر المبروك الزول

لجواد في سوق البلاء مايولوا ** افشان وطنهم مايهم من يقتال ** ولجواد رجلة ومرجلة ومايذلوا** ومايبدلوا بالوطن حكم ومال ** ولجواد عل لاوكار مايتخلوا ** كمالذيب ديما افشعبته قتال ** ولجواد لاعرفواخطاء لازلوا ** عالعهد ديماوعهدهم مازال ** خضرالمرابع والقلوب يضلوا** والفكرلاخضر نهجهم مازال** ومايوم يلقواعيب باش يعلوا**لجواد صيت نظيف ماينطال** كما صقرهم لايكبكبوالايذلوا *8 * فسوق البلاء كما بات هانيبال

من طرف unkown soldier الجمعة 11 مايو - 18:45

ولد ورشفانة كتب:لجواد في سوق البلاء مايولوا ** افشان وطنهم مايهم من يقتال ** ولجواد رجلة ومرجلة ومايذلوا** ومايبدلوا بالوطن حكم ومال ** ولجواد عل لاوكار مايتخلوا ** كمالذيب ديما افشعبته قتال ** ولجواد لاعرفواخطاء لازلوا ** عالعهد ديماوعهدهم مازال ** خضرالمرابع والقلوب يضلوا** والفكرلاخضر نهجهم مازال** ومايوم يلقواعيب باش يعلوا**لجواد صيت نظيق ماينطال** كما صقرهم لايكبكبوالايذلوا *8 * فسوق البلاء كما بات هانيبال

صح لسانك يا خوي
لجواد في سوق البلاء ما يولو...فزاعه نصرة المظلوم عالظلام ...لجواد ايتنادوا وين ما تندهم ...ايحيدو بسال الريق ميت عام .. ولجواد ما يخونو الي قاصدهم ... ولا يسلمو في وطنهم محال ...وماهم من الي فرطو في قائدهم .. وراء جاه وقدر والا مال

بارك الله فيك على هذه القصيدة يا unkown soldier ويا أخينا ولد السبع طبول على الزيادة وسلمتوا

والأجواد ما ترافق إلا الأجواد

من طرف unkown soldier الجمعة 11 مايو - 19:16

نتنفس من الأخضر كتب:بارك الله فيك على هذه القصيدة يا unkown soldier ويا أخينا ولد السبع طبول على الزيادة وسلمتوا

والأجواد ما ترافق إلا الأجواد

ان رافقت رافق م الأجواد اختار...ولا ترافق اللي بالعلل يمتار ...خلك من العفنـين ...ورافق ضنا الاجواد والزينين ...رافق اللي ينعدوا ...اللي وين ما ناض الثقيل يشدوا ...علي كل قارح يحضروا ويسدوا ...فجوج الخلا ناضن مغير غبار ...قولة ولد الاجواد وين يهدوا ...فشان الرفق بيعوا اليوم عمار

سلام جايك مبعوتلك مالوادي سلام عز من ربة ضنا الاجوادي

قصيدة طيبة جدا صح لسانك خوي

من طرف unkown soldier الجمعة 11 مايو - 20:20

الصقر الليبي كتب:سلام جايك مبعوتلك مالوادي سلام عز من ربة ضنا الاجوادي

قصيدة طيبة جدا صح لسانك خوي

تسلم يا صقر
سلامك وصلنا يانظيف النيه قبلناه منك يا كبير الدار .. سلامى عليك وجملتك جملية على قد ما فى الوطن من الاحرار ..وعلى قد ماهبن أرياح عشيه وعلى قد ما قصف الحلف وطار .

حلووووووووووو
ابيات وردود رااااائعة

خوي الجندي تعرف والله مخلي مكانك في المنتدي الادبي
خيرك معاش زي الاول

انستنا ونورت المنتدي

تسلم ع الابيات الحلوة
تحياتي ليك

Flag

الأجواد , الله يزيدهم الأجواد عز وهيبه , حديثهم ايزهي البال وين اتجيبه , ربنا يحفظهم , وايعينهم ويجعل فالصلاح غرضهم , ومن كل شدة ربنا ينهضهم , ويجعل فرج لكروبهم تسبيبه .

من طرف unkown soldier الجمعة 11 مايو - 21:02

أميرة السلام كتب:حلووووووووووو
ابيات وردود رااااائعة

خوي الجندي تعرف والله مخلي مكانك في المنتدي الادبي
خيرك معاش زي الاول

انستنا ونورت المنتدي

تسلم ع الابيات الحلوة
تحياتي ليك

ههههههههههههه تسلمي يا اميره السلام
بيني أوبينك...نا هبل وأمطرشق أوعقلي خف ... و قلمي ما في مكانه ريته رف... لين ضنيت تم حبره جف ...ما نضت امنين جاني كف... فرديت لأول بعد طولت لف
ههههههههههههههههههه وحده علي السريع هذي

الأجواد كيف الماس عالي سومه

حتى وهو تحت الوطا مردوم

عزة نفس ليهم واضحة معلومة

مع ضي شمس ما يقعدش ضي انجوم

من طرف unkown soldier الجمعة 11 مايو - 21:39

نتنفس من الأخضر كتب:الأجواد كيف الماس عالي سومه

حتى وهو تحت الوطا مردوم

عزة نفس ليهم واضحة معلومة

مع ضي شمس ما يقعدش ضي انجوم

ههههههههههههههههه
شكلها انقلبت اعناد ... وهذا دين واجب علينا اسداد

unkown soldier كتب:
نتنفس من الأخضر كتب:الأجواد كيف الماس عالي سومه

حتى وهو تحت الوطا مردوم

عزة نفس ليهم واضحة معلومة

مع ضي شمس ما يقعدش ضي انجوم
ههههههههههههههههه
شكلها انقلبت اعناد ... وهذا دين واجب علينا اسداد

لا لا مش عناد والعناد من الشيطان والعياذ بالله

لكن الأجواد يستاهلوا عز ودلال وكل ما نلقى حاجة عليهم انحطها وشوية في حقهم

الأجواد سيرتهم أتعز عليا

يستاهلوا كل الأقدار هدية

الأجواد يا محلاهم

سوا يخطروا ولا ايجيك نباهم

تسعد وتهنى إن كان جيت احذاهم

وبيك يفرحوا هاللي أنظاف النية

أبعاد المواجع صاينين خطاهم

وفي فضلهم كل الكلام اشوية

صحه ليكم يالجواد سوى نسون والارجاله** اللي جدوا والا الرواد اللي الزنقه بيهم مختاله

نتنفس من الأخضر كتب:الأجواد سيرتهم أتعز عليا

يستاهلوا كل الأقدار هدية

الأجواد يا محلاهم

سوا يخطروا ولا ايجيك نباهم

تسعد وتهنى إن كان جيت احذاهم

وبيك يفرحوا هاللي أنظاف النية

أبعاد المواجع صاينين خطاهم

وفي فضلهم كل الكلام اشوية

الاجواد سيرتهم اتعز عليا

انجاك البلى يفزعو جمليا

يهدو علي سامر النار الحيا

الاجواد يا محلاهم

فوق الكحيله ساردين عباهم

فوق من عدد حبات الرمال غلاهم