حوار قالوها --- هذا ياسيدي الكيب ..... - اين كيب ,, اكياب الدجاج واجدات

حوار قالوها ---- الحلقة الثامنة

ارررررررشف ... طويسة كيف صاحبها .. ماسمعتش ؟!

- يا واقي وقي .. شنووو ؟!

هذا ياسيدي الكيب .....

- اين كيب ,, اكياب الدجاج واجدات

الكيب متاعنا وجه العنز التيهريه , هذا ياسيدي بن سيد بعد مازبط لبلاد
وخلاها على سنقة عشرة و قال خلاص كل شي احسن من ايامات ال..... *, اللحم ارخص
من ايامات ال..... * و لترنت انشط من ايامات ..... * والحرية اكثر من ايامات
.... والشوارع انظف من ايامات .... ولامن ولامان اوفر من ايام
....

- الا السيادة الوطنية اشوى من ايامات ال..... * !!

وهادي شن بتاكلها والا بتشربها ياغشيم, هذا اللي حلانا هكي كان هالشوايخ
الفارغات, والله حسك نوضت على لمواجع يا صاحبي. المهم بعد مادار هالحاجات
كلهن بادي في مشروع كبير بكل

- شنوووو ؟

هذا ياسيدي بعد
وصلو طوبوات الغاز للاحياش في سيها و نسيت الناس غادي البمبلي و تكركيرة و
معاناته, باديين توا يوصلولهم في طوبوات ثانيات

- ياودي هذي ما ها !

توا شنو اللي سمعته لين اتقول ماها, هدا ياسيدي قال بدل مالناس تشرب حكاك
المشروب و يلوحوهن وتكبر لكناسه وادير تلوت بيه , تعاقد مع شركة برانية
ادير مصنع للمشاريب الثلاث , البيبسي والماريندا والسيفين اب وكل حوش
يوصبوله المشاريب التلاته و يعلقوهن على عداد كيف متاع لميه , هدا كله بيش
يرتاح المواطن و ما يتعبش روحه ينزل للدكان كان نقص عليه المشروب , شيشمتك
حداك و مص كيف ماتبي

- ياودي هدي ماها , خودلك العويلة ماشيين جايين على الشيشمة و يمصو !

خرف يا صاحبي , هدين اقكار دبل شفرة مش كيفك شفرة وحدة, الشيشمات ينزبطن
على بصمتين وحدة للمرا وحده للراجل, يجي العيل يممعمك ماينزلا شي

- وانتا هدا شفته بعيونك @@ فصدي فتحت الشيشمة بالبصمة متاعك

لا .. قالوها-------------------
المصدر الحوار السياسى الليبى



.................................................................
* يُمنع وضع اي عبارة تسيء للقائد رحمه الله حتى من باب النقل ..... الإشراف