قالوها موق موق ...

الحوار السياسي الليبي :: قالوها موق موق
الحلقة الثالثة

ارشششف ( صوت رشفة شاهى قوية ) . اممممم طويسة ياموق .. ما سمعتشوا ؟
شششنو ؟

ايح انتا راقد على اودانك و ماك عارف شي . مد و دنك جاي .

ششنو ؟

هذا زدان كان في ايطاليا هو و الازلام اللي اعماه وهم مروحين في الطيارة زادن حول نظاراته بياخد غفطة سمع مكرفون الطائرة انفتح . الكابتن بدا يقول يا حضرة الركاب شويه و قعد يعيط ياساتر ياساتر ياساتر لا حول و لا قوة الا بالله الصبر ياربي و خلاص . زيدان و الجماعة اللي اعماه اللي تضربه بموس ما يطلعش نقطة دم اللي هذا انعصر في مكانه و قعد يرعش .شوية و قالهم الكابتن نعتذر منكم ياسادة.ما فيش سوء غير المضيفة المرعوشة بزعت فنجان القهوة على جاكتي لين انفجعت . ناض زادن غايض وقاله عطك البلاء كان انت جاكتك تلبزت حنا سراويلنا تنقعن

و هدا شفتا بعيونك ؟ قصدي تنقع سروالك اعماهمو ؟

لا يا ودي .. قالوها