دقيقة خارج النص

امس كان يوم طويل وحافل بالاشتباكات يعني كان بمعدل كل عشرة دقائق خبر عاجل .. وان في قتيل سقط ... سواء كان من الاحرار ولا الجرذان ...ربي يرحم شهدائنا طبعا ..

لكن مش اهنى القصه خلي نكمل ... البارح بنغازي مقلوبه وطرابلس علاش؟؟!! قالو اقتحموا مقرات كتايب متطرفه ..!! طبعا ع اساس باقى المليشيات مش متطرفه ..!!! نفوتوها ونقولو باهي ..

نجو لحاجه تانيه في ناس طلعت في قنوات العهر وقالت .. اقتحام مقر الكتايب امر غير شرعي وان
مظاهرات بنغازى مش سلمية ...!! وانهم اقتحموا المقرات باسلحه ..!!! وطلعوا علينا ناس تانيه في نفس الاذاعات هادي وقالو انهم شباب يتعاطوا في حبوب مخدرة وخمور ..!!! يعني يقصد حبوب هلوسة ..!! هههههه
مانبيش نقوللكم الموقف هدا مار عليا قبل .. قصدى كأنه العام اللي فات صح ولالا

ما أشبه اليوم بالامس ...!!! بنفكركم يا فبراييين ان يوم 17-2-2011 طلعتوا في بنغازي ومسلحين واقتحمتوا كتيبه الفضيل بوعمر اللي هي نفس الكتيبه اللي اقتحمتوها البارح وقولتوا طلعنا سلميه ..!!! وقلتو اقتحمنا كتيبه جماعه اللحي (ههههه قصدكم المقملين ) ومع ان كان فيه فيديوات عرضتها الجزيره نفسها انكم مش سلميين ومسلحين وواضح لاهل بنغازي نفسهم انكم مسلحين ومش سلميين باهي بنفوتوها حتى هادي..

عندي سؤال للوجوه المقلبه واللي طلعت البارح وقالت المظاهرة السلميه وركزوا علي كلمة سلمية كويس .. قالو انحرفت من مسارها واصبحت مسلحة ..!!! وان الشباب مخدرين قصدكم مهلوسين ويتعاطو خمور ..!!! وقالو هادو مش اهل بنغازي ..!! (هههههههه حى نفس الكلمة) يعنى الاخ اللي تكلم قريب قال من انتم ؟؟ !! (هههههه حي اشبح شن اذكرت ووين مار عليا الشريط هدا؟؟ )باهي تعالو جاي:

مش القائد العام اللي فات قال نفس الكلام ..ومش قولناكم مش سلميه ومسلحين ..طلعتوا انتم نفس الوجوه المقلبه وقولتو سلميه ...!! ههههههههههه وانتم يا جرذان اللي طلعتوا ضد جماعه اللحي مش القائد قاللكم ان في قاعدة في الشرق؟؟ وفيه المقملين ؟؟ ههههههه عموما كلامي للتذكير لا اكثر لا اقل باش نقوللكم اننا احنى متبعين الحدث بس ومش ناسيين شي وما أشبه اليوم بالامس ...

تعالو يا طرابلسيه توا شويه ... على اساس البارح طلعتوا زي بنغازي وبنفس الشعار يا بنغازي مش بروحك نحنا ضمادين جروحك ..!!!( هههههههه نفس الشريط سبحان الله يمشي قدامي) للعلم اللي طلعوا نفس المناطق سوق الجمعه غوط الشعال وفشلوم (هههههه مانبيش نقول نفس الشي )واقتحمتوا كتيبه النواصى ومقر اخر في غوط الشعال باهي مش نفس السيناريوا ولالا ؟؟ وطلعوا نفس الوجوه المقلبه وقالوا مش سلمية ..!! وهادم مش الناس هادو شباب مخمورين ومتعاطين خمور وخارجين على القانون ..!!! علي اساس مش كانوا مهلوسين زمان ..!!!

عندي كلمتين تانيات ::::: كأن الجزيره تجاهلت الخبر متع مقر انصار الشريعه و راف الله السحاتي ..!!! واكتفت ان فيه مظاهرة اسمها انقاذ بنغازي بس ..!! تعرفوا ليش ..؟؟!!! انا نجاوبكم : لان هالكتيبتين وهادوا بذات تدعم فيهم قطر وكان تذكروا مرة نزل فيديو امر وحدة من الكتيبتين يصرح وبجنبه علم قطر ..ّ!! الي جانب علم العار طبعا ههههههههه (يعني فلق وكلاه حمد راجل موزة ) .

خيركم دهشتوا من القرايه ههههه مازال كلامي ماتم ...

توا بنجي للمقريف وبوشاقور والكيب ... اصبر اصبر زي اللي الاسبوع اللي فات مات قصدى جاف امريكي ومعاه 3 اخرين وياعيني المقريف اجهش بالبكاء( ههههههههه مانبيش نعلق )
والكيب يرعش والزوز طلعوا يبكوا قدام الكاميرات ...!! مازال اصبروا ....

وزى اللي سمعنا ان من يومين كان فيه حفل تأبين لسيدهم ستفينز كريس ...وبوشاقور يقرا في النشيد اللي حافظه طبعا ليه 30 عام غادي يعني مش منه مسكين ... ومن ال 30 عام هههههه عنده حق يقراه ويحط يده علي قلبه الله غالب الراجل نشيده الوطني ويجب احترامه ..!!!

باهي مازال عندي نداء اخر ... وما تضحكوش عليا " واشلقماه " ههههه ايه ايه ما تستغربوش "واشلقماه " ووينك يا شلقم من المظاهرات السلمية اللي طلعت وضربوها بالرصاص البارح وماتو 6 لا انا بنقول 60 ( ههههههه مش زى الجزيرة ) ووينك ما تمشيش تضبط كلينتون ولا رايس وقوللها تعالي كتايب المليشيات تقتل في الشعب المتظاهر سلميا !! ... الحق احنى محتاجين دموعك توا ... والله نبوهم ( هههههههه دموع شلقم اللي جابو الناتو لحمايه المتظاهرين المدنيين )

نسيتك يا مقريف ويا كيب ويا بوشاقور ... حقا ووين دموعكم من اللي ماتوا قصدى جافو امس في براك الشاطي من سوق الجمعه ومصراته ووين دموعك من اللي ماتوا البارح في بنغازي قدام كتيبه الفضيل بوعمر ( هههههه ماعندكش دموع طبعا لانهم مش امريكان ومش مهمين وماعنهمش مارينز هههههههههه بيعطي فلقه )

طبعا ياللي قريتوا كلامي زي اللي دهشتوا ...
اهو بنكمل كلامي بخاتمه كويسه ..

اللي نبي نقوله ان التاريخ القريب اللي عمره عام ونص يعيد نفسه غير تبدلت الادوار ... والجزاء من جنس العمل يعنى نفس الناس اللي طلعت وانحرفت عن سيادة الدوله وطلعت مظاهرات غير سلميه ومسلحه ومشت تقتحم في مقرات الكتايب واللي انتم يا وجوه مقلبه دعمتوها ..!!! طلعت ضدكم وطبعا انت الان في ورطه لان كف مش عادي وزيادة ع القفا هههههههه منى انا تستاهلوا

وانتم يا متظاهرين طلعوا المسؤولين كلهم اللي في الدوله البارح وقالو عليكم انكم متاعين حبوب (ههههه) ومخمورين وانكم خارجين ع القانون ومجرمين ( سبحان الله حتى انتم كليتوا كف من ناس انتم انتخبتوها المرة هادي مش شخص طاغي حكمكم 40 عام وانتم ماتبوشي لالالا هادم انتم تبوهم واخترتوهم وصبغتوا صوابعكم هههههه وقولتوا هادو وبس )

الخلاصه ان خودو منى بيت الشعر هدا يا جردان يا حكومة امريكان "" نيه بومنيار اتقاوت .... لاغرب ولاشرق اتساوت ""

شي تاني هذى تجربه بسيطه منكم فيكم تتبث انكم مش عايشين في دوله بل في غابه وحوش هههههه لا الشعب متفاهم مع بعضه و راضي بيكم ولاانتم قدرتوا تفرضوا سيادة دوله واللي صار امس دليل كبير انكم صفر الطرفين ..( طبعا الازلام والمؤيدين الاحرار انا استثنيتهم ) ... اهنى نقصد انكم قش هشاش ماعندكم ما تقدموا خلاص المهزله واضحه.

توا المهم ان نبشركم ان في احرار اعطيتوهم الاصرار وانهم مش قادمون لالالالالالا .... موجودين... وبينكم.... في مؤتمركم وفي كتايبكم وبينكم يا شعب استنوا منهم ثورة حقيقيه وهادى هي الثورة التانيه لان مهزلتكم مش ثورة غير معترف بيها اصلا ...

وان كل شي طلع من بين ايديكم واستنوا السبتمبريين اللي هازيين عليهم شنو يديروا فيكم ...

توا انا هكي كملت كلامي بس في حلقات تانيه بنحكيها واستنوني ..
غير نبي نحطكم في الصورة بس

وتوا نسلم عليكم ونترحم علي شهدائنا الاحرار الابرار في براك الشاطي وتحيه خااااصه لشباب قبيله المقارحه اللي دافعوا علي شرفهم وعرضهم وارضهم ...

وخسئتم يا جرذان فشهدائنا في الجنه وقتلاكم في النار ... والله مولانا ولا مولى لكم ...

وااااااااااااااااااااااااااااااااااااااااااااااااااااااااااااااااوو manoucia verre

هذه الدقيقه رغم انها خارج النص الا انها في الصميم،
وكشفت الحقيقه التي يحاول الجردان انكارها.

موفقه جدا اختنا Manoucia Verre

manoucia verre


تسلمي يا بنت الاجواد

محارب الصحراء كتب:سلمت يداك اختي,وسرد اكثر من رائع وتذكير لمن غفل او تغافل ونسى ان الله يدحض الباطل ويبين ناسه
احسنتي ووفقك المولى باذنه تعالى

دعوة معمر القذافي لازم اتلف عليهم واحد واحد هالجردان ... و بعد ما طيب ايجوها الاحرار بدون قتال .

أحسنتي وأبدعتي في طريقة السرد والأسلوب بمنتهى الروعة أختي الحرة Manoucia Verre‏ جعلتنا نعيش الأحداث القديمة الجديدة لحظة بلحظة وبمقارنة منطقية وتحليلات واقعية للأحداث!! فعلا التاريخ يعيد نفسه مع تبادل الأدوار!! والجزاء من جنس العمل..
حياك الله أختي الكريمة

شكراً لك و المزيد و المزيد موضوع مش عادي و سرد جميل وواقعي للمرحلتين و الثالثة لنا نصر بأذن الله .

شكرا لكم على مروركم اخجلتوني بردودكم

هادي مش دقيقة خارج النص هادي ساعة وفي قلب النص

fawzi zertit كتب:وااااااااااااااااااااااااااااااااااااااااااااااااااااااااااااااااوو manoucia verre

أحسنتي يا أختي بنت النوايل موضوع جميل ورائع

وتحليل قوي باللهجة العامية

بارك الله فيك