تقريري عن زيارتي لبني وليد امس واليوم السبت والاحد 3-4/11/2012

هناك حركة تنقل للناس جيدة جدا - هناك بعض الفيلات المحروقة - لم ارى حريقا جديدا - يوجد مخبر يعمل فقط هناك بعض الازدحام عليه - بالنسبة للبنزين لايوجد لكن بعد المالطي فيه محطة على اليسار وانت داخل بني وليد فيها بنزين وما عدا ذلك البعض المحروق والبعض محروق ولايعمل حتى وان تم احضار بنزين يلزمهم صيانة - يوجد على طريق الجسر ماسكين الجيش مساكين خايفين يمدوا في اوراق بودرية - عليها شعار وزارة الدفاع ثم المنطقة العسكرية بني وليد - يعطي النموذج لكي يتم تعبئته - والله خذيتها وقلتله توا نعبيه ونرجعه - منزل جارنا لحقه عليه في اخر لحظة عندما حسوا باصوات داخل المنزل طلعوا منوا في الحوش = طلعولهم من داخل لا حني جايين نفتشوا - باهي وين صاحب الحوش قاللوهم احني عائلات واجدة موجودين في الحوش هذا وحتى اصحاب الحوش قاعدين عندنا - المهم باهي يا حاجة سامحينا - جايين ببراميل البنزين يبدو يبوا يحرقوا الحوش قبل - ( ملاحظة الحاجة لما دخلت الحوش لقت حاطيين علام كبير اخضر وصورة القائد على السرير ) شكلهم كاينين يبوا يصوروا بعدين يحرقوا باش يقولوا لقينا صور ولقينا اعلام - وهكي ما يقدرش حد يوصل فيهم - لكن فيه رب والناس يتامي وعندهم نصيب في الحوش -

الرجاء من العائلات تروح لحياشهم - المصاريت يدوروا في بني وليد بالتعاون مع ميليشيات 28 قطوس معاهم -

بالنسبة للكهرباء اغلب المناطق تم توصيلها وفيه مناطق ما زال فيهم مشكلة - تخيلوا في بعض المناطق حتى الكابلات الناس شرتهم بفلوسهم جروهم معاهم ورفعوهم لمصراتة -

بالنسبة للتغطية - اذا مشيت لمنطقة السوق فيه شوية تغطية وتقدر تتصل - وكذلك الهواتف الارضية والريفي تستيطع الاتصال منه وماعدا هذه المنطقة فانك لا تستيط ان تتصل -

بتنا ليلة في الظلام على ضوء الشموع مش مشكلة - المهم في بني وليد

تعيش بني وليد الصمود

نحكيلكم قصة ثانية يوم 24 يوم خرجت العائلات قريبي نجا من عينها شدوه المصاريت مع خواته هما يتلوا وخواته يتلن ويعيطوا في الطريق بعدين الاحرار شافوهم من فوق رموا عليهم قعدوا في وضع انبطاح - قريبتي قالت فعلا صدق من سماهم جردان - اقسم بالله قالت كاينت سيارات عرم طلعن لينا منين مش عارفين بعدها لما صار اطلاق الرصاص عليهم تفرقوا البعض هرب بسيارته وسيارة واحدة زعميتها عدت تشوف منين جي الضرب - قعدنا كلنا نساء ورجال في وضع انبطاح لين رجعت بعد شوية السيارة = المهم نسيت نقولوكم قريبي قال واحد من الميليشيات اني هذا نبيه عندي معاه مشكلة شخصية تخيلوا قال زمان في مصراتة حذفني بشكارة بازيلاء على وجهي في السوق - بعدين في ناس ثانية يعرفهم طلقوه وقاللوه عدي وبسرعة - باهي الحاجة قالت باهي يا وليدي احذفه بشكارة وخلينا نعدوا - والله شر البلية ما يضحك

سيارات خلوهم اصحابهم اللي عطلت واللي تبي اشكورطة واللي تبي بنزينة - كلهن خلوهن هلهن في الوادي بلاحساب والعائلات ركبن مع بعضهم - يا نوريتي على ارزاق الناس - فيه ما عنده غير هالسيارة

حرق محطة الاتصالات الواقعة في شركة البريد ببني وليد




حرق مركز الشرطه ببني وليد

حمد لله على سلامتك أوخيتي وربنا يحفظهم إن شاء الله

الحمد لله ع سلامة تريسها

البااقي يتعوض عآآدي