الحاجه امباركة وحصار السفارات

[right]
الحاجة امباركة .. مشت الحاجة امباركة والحاجة مسعودة دارو شاهي بالعائلة على كيف كيفك وفتحوا التلفزيون قالت الحاجة امباركة خلي نشوفوا جمعة انقاد طرابلس وجمعة انقاد بنغازي انا والله ماني عارفة كيف واحد يلوح روحه في البحر ويقول انقدوني ردت عليها الحاجة مسعودة خليهم يا امباركة هذوم يطبو في الكورة مع اولاد الطليانة ردت عليها امباركة سمعت يا مسعودة قالوا ماشين بيلزوا جماعة ولدي جمعة اللى محاصرين الوزارات ناضت مسعودة قالت شكله النهار بيكبر خلي نجيبوا الكاكاوية ونتفرجوا حتى شوفة عدوك نادم راهو باهية ردت امباركة هذا اليوم السعيد بالله شوفى اهو يحرقوا في الخرتيت متع قطر باللهم عليكم مش عمورة ماخلي شن قال لكم عليه ردت مسعودة حبوب يا امباركة هوينا العينة عندك جمعة البارح كله وهو مرة يغني تعالى في العالى ومرة يغنى تمام سيدي الولد معاش عرفته لا حرس شعبي ولا مليشيات ردت امباركة بالك ندم يا مسعودة ردت مسعودة ندم لين هبل معاش ينفع فيه كان سيدي رمضان ردت عليها امباركة سيدك رمضان عزائك فيه بارد صكوه بى 106 المقملين ردت مسعودة بالله بلاد كيف بيصير منها وحتي المرابطية ورجال البركة دمروهم ردت امباركة قالوا ينبوا في مرابط كبير لسيدهم برنارد ليفي وهذا ضربة ضربة للمصاريت ردت مسعودة المصاريت تحركي من مكان عوذ بالله من الشيطان الرجيم شكالاتهم حمر زي الانجليز اللى كانوا يتحوسوا في طرابلس بفرعي قبل مايلزهم عمورة يرحم البطن اللى جابته ، ناضت امباركة قالت لمسعودة بالله شوفى عليك شكال مقلبة زي اللى جو مع جمعة للمستشفى يوم رقدت في الطبي ردت عليها مسعودة شكالاهم زي المعيز اللى مربيتهم الحاجة فطيمة اللى وماجاب الليل والعتود يلبلب وهم كان طلعوا من الزريبة لا يخلو زيتون ولا كرم حتى السيارات ينقزوا فوقهم سحيقة الملح ، ردت امباركة والله الآ زريبة معيز وانفتحت وربي يلطف بالعباد والزرع .
المصدر المؤتمر الشعبي الفيسبوكي الحر

ههههههههههههههههه

والله قداش ليا ما ضحكت مش عاديات هالحاجات الزوز