أصغر قاتلة في العالم

للأسف هذه القصة حدثت في طرابلس ليبيا 17 فبراير

طفلة لم تتجاوز السنتين تجد مسدس في سيارة أبيها فتلعب به فتطلق النار على ابيها الذي أصيب في قدمه ولانه لم يتم أسعافه بسرعة وأعتقد هو ان الضربة بسيطة مات بعدها بساعات

وهنا تعتبر هذه الطفلة اصغر قاتلة في العالم وهذا ماتسعى له فبراير التميز والسرعة في الذهاب بالبلاد للهاوية وليبيا حرة الله أكبر
أصغر قاتلة في العالم 893414739

لاحول ولا قوة الا بالله

اه يا ليبيا يا خسارة يا خسارة

بالله كيف بنعلقو وشن بنقولو

تي امتي يجي الموت ويرفعنا ونرتاحو من هاللي نسمعو فيه بشكل يومي

مشاكل وهم ودم وقتل صغار كبار

تي مخلطة البلي
اووووووووووووووف عينا
نبو بلادنا ترجع زي الاول امتي بس غير امتي
امتــــــــــــي

,,,,,

والله واجعتيني يا ليبيا وحالك يقطع القلب
من وين لي وين بتلقيها

اخرتها بنية قاعدة ملايكة تلعب بالمسدس وتقتل بوها وتيتم روحها

الله المستعان الله المستعان

Sad

الاب جنى علي نفسه للاسف
لماذا حمل السلاح وحيازته ام للدفاع عن النفس او للقتل
وهنا كان القتل من نصيبه
الله المستعان على مايصفون

لا حول ولا قوة الا بالله
يا حيااااتي والحين وين البنوتة؟؟ Sad

لا يكون في دار الرعاية الخاصة affraid

حتي الاسبوعين اللي فاتو

راجل ينظف في سلاحه شكله ناسي فيه رصاصة والله اعلم

الرصاصة طلعت وصابت مرته ,, رفعوها للمستشفي

قعدت يومين وبعدها توفت

والهم الاحرف ان الراجل مرته راقدة في العناية وهو هارب عند اقاربه

الا بعد توفت مشي سلم نفسه ,, ياناري المرأة مش كبيرة
وعندها ولد صغيرون يا روحي عليه وخلاص

وحق ربي هم ما بعده هم
,,,,

اني بصراحة ما خشت دماغي قصة ان داروحه واحد ينظف في سلاحه وناسي فيه رصاصة ؟؟؟ كيف تجي هاذي

أميرة السلام كتب:

حتي الاسبوعين اللي فاتو

راجل ينظف في سلاحه شكله ناسي فيه رصاصة والله اعلم

الرصاصة طلعت وصابت مرته ,, رفعوها للمستشفي

قعدت يومين وبعدها توفت

والهم الاحرف ان الراجل مرته راقدة في العناية وهو هارب عند اقاربه

الا بعد توفت مشي سلم نفسه ,, ياناري المرأة مش كبيرة
وعندها ولد صغيرون يا روحي عليه وخلاص

وحق ربي هم ما بعده هم
,,,,

اني بصراحة ما خشت دماغي قصة ان داروحه واحد ينظف في سلاحه وناسي فيه رصاصة ؟؟؟ كيف تجي هاذي

أميرة حدثت لاحد جيراننا وتوفي لانه كان يقوم بتنظيف سلاحه ولم ينتبه لوجود رصاصة ومن سوء حظه انه كان في المنزل لوحده وعندما عاد أهله من البر وجدوه ميتا وحسب التحقيقات الجنائية انه توفي بعد انطلاق الرصاصة بوقت ولو كان أهله بالمنزل لربما اسعفوه،، لكن قدر الله وماشاء فعل،، يومه خلص،،الله يرحمه