رسالة إلى الدكتور سيف الإسلام القدافي

من أختكم موطني لكافة المتواجدين في منتدى زنقتنا من زوار وأعضاء ومشرفين وإدارة ... طبعاً منقول ولكن هذا الشعر جمع كل ما بخاطري إتجاه الأحداث الدامية التي تشهدها حبيبتي ليبيا .

من اشعار شاعر ليبيا والوطن العربي رفيق النجع ... ونداه الملايين العربية.. وهو يوصي سيف الاسلام ...... كل الاحرار في ليبيا تعرفه وهى منقوله منه مباشرة جديدة ...

(( ماتشفقش من ظلم السجون .. يجيك النور في وسط الظلام .. وكلمة كن آخرها النون والنون النور ياسيف الاسلام ..
عض الصبر واكظم بالسنون .. وقيم الفرض وانزل عالصيام .. ماتخليش في القلب مخزون فقدت الخوت يابال الابهام ..
فقدت العز والصدر الحنون .. الطير الحر سفاي الكمام .. غالي وغاب لكن مايهون وهو في القبر نعطوه التمام ..
وبعد النظر ماهو بالعيون وطيب العيش من طيب ليدام .. وماتبالغش في حشد الظنون بعض الظن فيه اثم وحرام ..
وشوف بعيد ماتشبح لدون ربي راد باسقاط النظام .. خلك خضر ماتغير اللون حتى كان قالولك اعدام ..
اللي مايبيه ربي مايكون وكانا راد ماينقص قرام .. فلمح البصر ورفيف الجفون يحيد اكفان ويلبس احرام ..
اسرع مالبرق خلاص الديون يعيد شريط كاينا احلام .. اللي من النار يخلق في الجنون يرد الروح يجمع في العظام ..
يجيب اعظام لباس الزبون ويبني بيت ويدق الرمام .. وهو اللي يجيك من عنده العون وتاخد كيل كان عاطي جمام ..
يعيده جاه وأموال وبنون يشد الظهر يقشطلك احزام .. وقادر كيف ماكون الكون وجلس عالعرش في سبعة ايام ..
يسير ريح ويبذل العون يحيد اقدام ويثبت اقدام .. هللي صار ضحكة ع الدقون لكن تم ماينفع كلام ..
وبالتأكيد فيها خاء ونون من الخيان والا من الازلام . قليل الأصل والخاين يخون مايهماش علية لاعمام ..
كم من تيس ماسح بالقرون دار عقال دارولا مقام .. من باريس والدوحة وبون والطماع وكلاب الاعلام ..
من برنار وكلنتون وجون تم الوطن مسرح للجرام .. ونحنا هلك مانا خانعون هلها وين ماصار اللطام ..
ثمن اشهور وأحنا صامدون تحت القصف نضنا مالركام .. عطينا اكباد مانا نادمون روس تريس من اصعب ارقام ..
هم سابقون واحنا لاحقون وكيف ماقال جيفارا وسام .. بركنا بروك مانا حايدون حكمنا أهرام ونموتوا أهرام ..
في اصدورنا طعون وفي قلوبنا طعون وهللي اقسام ياهلنا اقسام ..قطع الروس ماهم الحسون رد الثار تم لهم غرام ..
ولاد الأصل للعاهد تصون ماكملوش لجواد الكرام .. والكردون آخرها النون منها نعود ونشد العزام ..
والزنتان آخرها النون إن راد الله يعطوك اللجام ..والرحمن آخرها النون وخلي كن هي مسك الختام ..
والنون النور ياسيف الاسلام وخلي كن هي مسك الختام