هلوسات ليبي 2014

هلوسات ليبي ..
الجمعة 2014.05.23
مجرد أسئلة ؟؟
لقيت على التويتر سؤال عجبني وماعرفتش نجاوب عليه !!
ليش المجاهدين الاستشهاديين اللي بيمشوا الى الجنة يتحشموا ما يطلعوش الا في عيونهم تقول فيهم سر من الطوارق !!!
وحشيشتهم التصوير ؟؟ وليش مافيش استشهاديين في دول الخليج وخاصة الامارات والبحرين والكويت
مع ان فيها جميع المنكر وإلا غادي بيغيروه بالقلب وهو أضعف الايمان !!
والسؤال الثاني شن ضمنا اننا لو شاركنا احد الطرفين في معركة كرامته انه ما ينقلبش علينا زي ما انقلب
مرتين مرة على القائد في2011 ومرة على بعظهم في 2014 . نبقوا حمير كان قعدنا حفتريين او انصار
وبعدين الكرامة والانصار فريقين في الدوري اللبناني والدوري السوري !!
وعلى ذكر لبنان ابشركم بظهور حزب الله بنسخة ليبية وظهور حزب الكتائب وعندنا عون وعندنا
جعجع وعندنا الحريري وعندنا الشيخ احمد الاسير ويخي عندنا حتى جنبلاط الليبي صاحب نظرية
التل !! وزعيمته عندنا سيسي ليبي ويبي الشارع يطلع يفوضه !!!؟؟ شكشكي !!!
الحرب اللي بيخوضها خاسرة من الان لأنه ما عنداش جيش ؟؟الجيش كان يحارب فيه كتف بكتف
هو والناتو وبوكتف وبوسدرة والمجبري والصلابي وبن حميد ؟؟ اليوم اعداء وأمس حبايب !!
حني ما نخشوش بيناتكم تفاهموا في بعضكم !! بتزيتو بينا تروس الات الحرب متاعكم !!
هيهات ثم هيهات !! فوتوها على اللي ترحي وخطونا من كلمة القبائل الشريفة !!!
مدق ماعندناش فيه سبول !! طلعنا في 2011 دعمنا الشرعية طلعتونا عبيد الشهيد الصائم معمر القذافي !!
ومهلوس سامحوني خوكم كلام عرب